भांगरभूंय | प्रतिनिधी
म्हापशें, प्रतिनिधी ः साळगांवां धाड घालून घुवळे वखदां विरोधी कारवाये खाला साळगांव पुलिसांनी दुबावीत अब्रार कलंदर बडीगेर (२२, ताब्रावाडो-साळगांव) हाका अटक केली. ताचे कडल्यान ८५ हजारांचो ८५० ग्रॅम गांजो जप्त केलो.
घुवळे वखदां विरोधी कारवाये खाला साळगांव पुलिसांनी बिरेस्तारा सकाळीं सुमार साडेतीन वरांचेर ही कारवाय केली. साळगांवच्या दफनभूंये लागसार ड्रग्स विक्री जावपाची आशिल्ल्याची म्हायती पुलिसांक मेळ्ळी. ते प्रमाण पुलिसांनी सांपळो घालो. दुबावित ड्रग्स विकपाक आयलो तेन्ना पुलिसांनी ताका धरलो. तपासणे वेळार दुबावितां कडेन 850 ग्राम गांजो सांपडलो. गांजो पुलिसांनी जप्त करुन अमली पदार्थ नियंत्रण कायद्या खाला प्रकरण नोंद करून अब्रार हाका अटक केली.
पुलीस निरिक्षक सोमनाथ माजिक हांच्या फुडारपणा खाला उपनिरिक्षक दिशन नायक, अनंत गांवकार, हवालदार प्रितेश नायक, राहुल आंगोडकार, विनोद कासकार आनी प्रेमनाथ म्हामल हांणी ही कामगिरी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
