भांगरभूंय | प्रतिनिधी
पणजी : पणजे सांतीनेज वाठारांतल्या चार रस्त्यार सांखळी अपघात जालो. हातूंत तीन वाहनां एकामेकाक आपटलीं. वेगान येवपी उदकाच्या टँकरान कर्नाटक नोंदणी आशिल्ल्या माल व्हरपी मिनी पिकअपीक फाटल्यान नेटान धपको दिलो. हो धपको इतलो नेटान बसलो, मुखार वचून मिनी पिकअप रस्त्यार उबी आशिल्ले गाडयेक आदळ्ळी. हाका लागून वट्ट तीन वाहनां ह्या अपघातांत सांपडलीं.
ह्या अपघाता उपरांत कांय काळ ह्या वाठारांत येरादारीची कोयंडी जाल्ली. हे घडणुकेन कोणाक कांय जावंक ना. पुलिसांनी घडणुके सुवातेर वचून येरादारी सुरळीत केली. अपघाताचो तपास पुलीस करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
