भांगरभूंय | प्रतिनिधी
पणजी, प्रतिनिधी : सांताक्रुजची सरपंच जेनिफर दे ओलिव्हेर आनी उपसरपंच एलसन ब्रागांझा हांचे आड स पंच सदस्यांनी अविस्वास थाराव दाखल केला. गांवा खातीर महत्वाचे निर्णय घेतना आमकां सरपंचान विस्वासांत घेवंकना असो आरोप तांणी ह्या थारावांत केला.
अपक्ष वांगडी इनास डोमनीक परेरा हांनी सरपंचा आड आयज सकाळी थाराव दाखल केलो. त्या थारावांक स पंच वांगडी रोसी गोन्साल्विस, पिटर आपोलिनो दे आरावजो, संदीप सावंत, लुईसा फर्नानडी आनी लफिरा सांतान दे ओलिव्हेर हांणी सय मारून तो तिसवाडी गट विकास अधिकाऱ्यां कडेन दिलो.
2022 च्या आॅगस्टांत काँग्रेसीचे पॅनल सांताक्रुझ पंचायतीचेर वेंचून आयिल्ले आनी अविस्वास थाराव घालपी अपक्ष उमेदवार इनास परेरा हांणी त्या पॅनलाक तेंको दिल्लो.
सांताक्रुझ गांवाच्या बऱ्या खातीर सध्याचे पंचायती कडेन कसलेंच व्हीजन ना आनी ते भायर उदरगतीचीं कामां फुडें व्हरपाक तांचे कडे तांक ना, असो आरोप विरोधकांनी केला. सरकारी खात्यां कडे खुपश्यो फायली फाटले 10 म्हयने आडकून आसात आनी तांचेर कसलीच फाटपुरवण जावंक ना. ते भायर नवीन पंचायत घर आनी कम्युनिटी हॉल बांदकाम संदर्भात कसलीच पाठपुरवण पंचायतींनी करूंक ना, अशें थारावांत बरयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
