भांगरभूंय | प्रतिनिधी
पणजीः सांडू फार्मास्युटिकल्स लिमिटेडाचे कार्यकारी संचालक उमेश सांडू (59, चेंबूर- मुंबय) काल शुक्रारा, 19 जुनाक सकाळीं संवसाराक अंतरले.
उमेश सांडू हांणी आपल्या दृश्टीकोन फुडारपणा वरवीं सांडू फार्मास्युटिकल्स लिमिटेडाक राष्ट्रीय आनी आंतरराष्ट्रीय पांवड्यार खाशेली नामना मेळोवन दिली. गोंयांतलो वखदां निर्मितीचो कारखानो उबारपाक तांणीच फुडाकार घेतिल्लो. समाजीक मळाचेरुय तांचें व्हडलें योगदान आसा. वखदां क्षेत्रांतल्या तांच्या योगदाना वांगडाच समाजीक आनी वेवसायीक मळारुय तांचो व्हड वांटो आसा.
तांच्या मरणाक लागून वखदां उद्देग सयत समाजीक आनी वेवसायीक मळार दुख्ख पातळ्ळां. तांचे फाटल्यान दोन चलयो, दोन भाव, आई असो परिवार आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
