भांगरभूंय | प्रतिनिधी
सांगें, प्रतिनिधी ः म्हापशेंतल्या नामनेच्या श्री बोडगेश्र्वर देवळाच्या जाल्ली चोरीची घडणूक चर्चेत आसतनाच काल रातीं सांगेंतल्या विठ्ठल देवळांत चोरी जाली. देवळांतली 40 हजार रुपयांची रुप्याची प्रभावळ चोरांनी व्हेल्या. ह्या प्रकरणांत पुलिसांनी अज्ञात व्यक्तीं आड गुन्यांव नोंद करून चवकशी सुरू केल्या.
काल रातीं देवळांत चोर भितर सरले आनी 7- 8 किलाची रुप्याची प्रभावळ चोरली. हे प्रभावळचे मोल सुमार 40 हजार रुपया आशिल्लें. चोरी जाल्ल्याचे सकाळीं कळ्ळे उपरांत पुलिसांक म्हायती दिली. तांणीनी पंचनामो करून चवकशी करपाक सुरवात केला. मजगतीं, ही चोरी सीसीटीव्हींत कैद जाल्या.
सीसीटीव्ही कॅमेऱ्यांत देवळाच्या दावे वटेनच्या दारांतल्यान दोन चोर देवळांत भितर सरतना दिसतात. भितर सरतकच गर्भगृहाचें दार फोडून भितर सरले आनी रुप्यांची प्रभावळ चोरुन पळ काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
