सांग्यार भाजप कार्यकर्त्यांची घरवापसी

भांगरभूंय | प्रतिनिधी

मंत्री सुभाष फळदेसाय हांणी उक्तायलो भोवमताचो विस्वास

भांगरभूंय । प्रतिनिधी

सांगें: सांगें मतदारसंघांत 2022 च्या गोंय विधानसभा वेंचणुको लागीं पाविल्ल्यो तेन्ना भाजप मंडळ अध्यक्षा सयत हेर समितींच्या मुख्येल पदाधिकाऱ्यांनी आनी हेर वांगड्यांनी भाजपा कडेन बंडखोरी करून अपक्ष उमेदवार सावित्री कवळेंकार हांकां तेंको दिल्लो. पूण शेनवारा सांगें भाजपा मंडळान सांगें मतदारसंघांतल्या पंचायत वाठारांत आयोजीत केल्ले सभेंत पक्ष सोडून गेल्ले दोन- तीन मुखेल कार्यकर्ते सोडून हेरांनी भाजपांत परतून प्रवेश केलो. मंत्री सुभाष फळदेसाय हांणी तांकां उर्बेभरीत येवकार दिलो.

शेनवारा सकाळच्यान सांगे भाजपा मंडळान रिवण, कावरे पिला॔, नेत्रावळी, वाडे कुडी॔, भाटी, उगे पंचायत आनी सांगें नगरपालिका हांच्या जोडपालवान उगें, मळकर्णे अश्या विवीध वाठारांनी सभा आयोजीत केल्ल्यो. वाडे कुर्डीच्या श्री गणेशोत्सव मंडळाच्या सभाघरांत आयोजीत केल्ले सभेंत मुख्य कार्यकर्ते तशेंच पंच चंदन उनंदकार हांचे सयत देऊ गांवकार, रोहिदास वेळीप, पावटो गांवकार, विनोद भंडारी, विठ्ठल नायक, श्रीकांत कालेकार, रामनाथ  दाभोलकार, सगुण गांवकार  आनी सदानंद गांवकार यांनी हांणी भाजपांत प्रवेश केलो.

उगें गांवांत आयोजीत केल्ले सभेंत मंडळाचे आदले अध्यक्ष तशेंच दक्षीण गोंय जिल्हो पंचायतीचे आदले अध्यक्ष नवनाथ  नायक, सदानंद  गावडे, आनंद  नायक, सुदेश  भंडारी, महेश  गांवकार, नागू  गांवकार, दशरथ  नायक, विष्णू  मळकर्णेकार, आनंद  गावडे,  अश्विनी  गावडे, संजू  देविदास, हरिश्चंद्र  तळसायकार, जानू  झोरे, सुभाष  नुनेकार, महादेव  नायक, मिना नायक, शांती नायक, चांगुणा साळगांवकार, विठू नायक, नारायण तवडकार, कृष्णा नुनेकार, शोभा गावडे, भावे गावडे, प्रसाद नायक, चुडगो गांवकार, सुशांत नायक,  बाबुलो गांवकार, दशरथ गांवकार, उमेश भंडारी, रुपेश नायक, पवन फर्नांडीस, सुदेश वेळीप, संजय शिरोडकार, शेखर वाघमारे, दिनेश देसाय, जानू, प्रेमानंद नायक आनी आदले काँग्रेस आमदार गुरुदास नायक तारी हांची घरकान्न शांती गुरुदास नायक तारी हांणी प्रवेश केलो.

हो सभेक मंत्री सुभाष फळदेसाय, उमेदवार पल्लवी धेपे, दक्षीण गोंय जिल्हो पंचायत अध्यक्ष सुवर्णा तेंडुलकार, जिल्हो पंचायत वांगडी सुरेश केपेंकार प्रभारी गणपत नायक, सरपंच राजेश गांवकार, सरपंच विधी वेळीप, सरपंच प्रज्योत गांवकार, सरपंच चंद्रकांत गांवकार, सरपंच बुंदा वेळीप, सरपंच भारती नायक, आदले आमदार वासुदेव मेंग गांवकार, मंडळाध्यक्ष बायो भंडारी, शशिकांत गांवकार, अल्का  फळदेसाय, पंच, नगरसेवक आनी हेर मुखेल कार्यकर्ते हाजीर आशिल्ले.

मंत्री फलदेसाय हांणी सांगलें, मतदारांचो प्रतिसाद पळयत जाल्यार आमकां सांगें मतदारसंघांत 15 हजारां परस अदीक मतां मेळपाची आस्त आसा. भाजपा सरकारांत बरें प्रशासन पळोवपाक मेळटा. हेच खातीर नरेंद्र मोदी परतून एकदां प्रधानमंत्री जावपाक जाय. कांय कारणांक लागून भाजप सोडून गेल्ल्या कार्यकर्त्यांनी बरो निर्णय घेवन परतून भाजपांत प्रवेश केलो, तांकां आपूण येवकार दितां. उमेदवार लोकांक नवो आसलो तरी लेगीत उमेदवाराची हीच मायभूंय आसा. आदींच्यानूच तांची सेवा उल्लेख करपा सारकी आसा. ते खातीर तांकां वेंचून दिवप गरजेचें आसा, अशें तांणी सांगलें.

उमेदवार पल्लवी धेंपे हांणी सांगलें, 20 मतदारसंघांनी प्रचार करतना आमकां लोकांनी बरी उर्बा आनू मोग दिला. तुमच्या आशिर्वादानूच आपूण भोवमतान जिखून येतली. केंद्र सरकाराच्यो ज्यो ज्यो सुविधा आसात, जो जो प्रकल्प आसा, जी जी सेवा दिवपाची आसा, ती आपूण दितली, अशें आस्वासन धेंपे हांणी दिलें. राजेश गांवकार हांणी सुत्रसंचालन केलें.