भांगरभूंय | प्रतिनिधी
सांगें, प्रतिनिधी: सांगें नगरपालिका इमारतींत आयज सांगें ग्राम न्यायालयाची स्थापना जाली. दक्षीण गोंय सत्र न्यायाधीश शॅरेन पॉल हांचे हस्तुकीं सांगें ग्राम न्यायालयाच्या कार्यालयाचें उक्तावण जालें.
ह्या वेळार सांगें दिवाणी न्यायाधीश अनुष्का गौरव मडकयकार, अॅड. संजीत देसाय, अॅड. एम. व्ही. कुडचडकार, तशेंच हेर वकील आनी कर्मचारी हजर आशिल्ले. ह्या कार्यालयाचें काम म्हयन्याच्या पयल्या शेनवारा आनी तिसर्या शेनवारा चलतलें अशी म्हायती न्या. शॅरेन पॉल हांणी दिली. तशेंच गांवगिर्या भागांतल्या लोकांक त्रास जावचे न्हय म्हणून गांवांत वचून लोकांचे प्रस्न सोडयतले. ते खातीर बस दवरल्या अशी म्हायती शॅरेन हांणी दिली.
अॅड. संजीत देसाय हांणी सांगलें, आयज बारीक सारीक केसीं खातीर लोकांचो वेळ वता. ताका लागून सांग्यार ग्राम न्यायालयाची स्थापना केल्या. लोकांक हाची सामकी गरज आशिल्ली. ल्हान- व्हड केशी हांगां सोडोवपाक मेळटल्यो, अशें तांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
