भांगरभूंय | प्रतिनिधी
देड लाखांचें लुकसाणः धनयाक घातपाताचो दुबाव
भांगरभूंय । प्रतिनिधी
म्हापशें: गिरी पर्वरी म्हामार्गाचेर सांगोल्डें वाठारांत एका कावला अड्ड्याक उजो लागलो. ह्या उज्यांत सुमार देड लाखांचें लुकसाण जालें. उजो लागपाचें नेमकें कारण कळूंक ना, पूण घातपाताची शक्यताय कावला अड्ड्याच्या धनयान उक्तायल्या.
म्हापशें उजो पालोवपी दळान दिल्ले म्हायती प्रमाण ही घडणूक सकाळीं 7.45 वरांच्या सुमाराक घडली. मोहमद शामीम हांच्या कावला अड्ड्याक उजो लागिल्ल्याची म्हायती मेळटाच उपअधिकारी अशोक परब हांच्या फुडारपणा खाला जवान घडणूक थळाचेर आयले आनी उजो पालयलो. ह्या उज्यांत कावला अड्ड्यांतलें प्लास्टीक सामान, टायर, इलेक्ट्रीक वस्तू, सरयो आनी हेर कावल लासलें. जाल्यार 5 लाखांची मासमत्ता वाचोवपाक दळाच्या जवानांक येस आयलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.