भांगरभूंय | प्रतिनिधी
पणजी : सांखळी तशेंच फोंंडें पालिकेचो कार्यकाळ मे म्हयन्यांत सोंपता. हाका लागून सांखळी तशेंच फोंंडें पालिकेची वेंचणूक येता त्या मे म्हयन्यांत जातली. हे विशींचो आदेश राज्य वेंचणूक आयोगान जारी केला.
सांखळी नगरपालिका वेंचणुके खातीर उत्तर गोंंय जिल्होधिकाऱ्यांंची वेंचणूक अधिकारी म्हूण नेमणूक जाल्या. फोंंडें नगरपालिका वेंचणुके खातीर दक्षीण गोंंय जिल्होधिकाऱ्यांंची वेंचणूक अधिकारी म्हूण नेमणूक जाल्या.
राज्य वेंचणूक आयोगान हाचे पयली सांखळी तशेंच फोंंडें पालिकेच्या प्रभागांंची फेररचणूक सुरू केल्या. फोंंडेंच्या मामलेदारांची फोंडें पालिका मतदार नोंंदणी अधिकारी म्हूण नेमणूक जाल्या. दिवचल मामलेदाराची सांखळी पालिका मतदार नोंंदणी अधिकारी म्हूण नेमणूक जाल्या. संंबंंदीत म्हालाचे अवल कारकून साहाय्यक मतदार नोंदणी अधिकारी आसात. फोंंडें पालिके खातीर 15 प्रभाग आसात. प्रभाग वाडपाची शक्यता ना. फेब्रुवारी 2018त फोंंडें पालिका प्रभाग फेररचणुकेची प्रक्रिया जाल्ली.
फोंडें तशेंच सांखळी पालिकेचेर भाजपाचें वर्चस्व आसा. सांखळी पालिका मुख्यमंंत्री डॉ. प्रमोद सावंत हांच्या मतदारसंंघात येता. फोंंडें पालिका कृशी मंत्री रवी नायक हांंच्या मतदारसंंघात येता. सांखळी पालिका वेंचणूक ही मुख्यमंत्री डॉ. प्रमोद सावंत हांंचे खातीर प्रतिश्ठेची आसा. फोंडें पालिका वेंचणूक ही मंत्री रवी नायक हांचे खातीर प्रतिश्ठेची आसा. पेडणें, म्हापशें, दिवचल, वाळपय, काणकोण, केपें, कुंंकळ्ळी, सांंगें, मुरगांव आनी मडगांव पालिके खातीर फाटल्या वर्सा वेंचणूक जाल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
