भांगरभूंय | प्रतिनिधी
भांगरभूंय । प्रतिनिधी
वास्कोः साकवाळ पंचायतीचो आदलो सरपंच गिरीश पिल्ले हांणी आपल्या वॉर्डांत 646 मताधिक्क्यान जैतिवंत जावपाचो पराक्रम केला. ताका वट्ट 1065 मतां मेळ्ळ्यांत. घडये पिल्ले मुंरगांव तालुक्यांतले पंचायत वेंचणुकेंत सगल्यांत चड मताधिक्क्यान जैतविंत जालो आसुऐ. पंचायत मंत्री माविन गुदिन्हो हाचें कडेन सल्लामसलत करून सरपंचपदा खातीर दावो करतलों अशें तांणी पत्रकारांक सांगलें.
नवें पंचायत घर बांदपाक आमी प्राधान्य दितले. ताचो ब्युनादी फातोर आमी पयलींच घातला. पंचायत वाठारांत कोयर विलो प्रकल्प उबारपाचो आमचो यत्न आसा. आमचे मदीं कोणे सरपंच जावप हाका चड म्हत्व ना. पंचायत वाठाराची उदरगत हीच आमची मुखेल कार्यावळ आसतली अशें तांणी सांगलें.
सांकवाळ पंचायतींत चड तेप सरपंच म्हणून काम करपी रमाकांत बोरकार हाका वॉर्ड नंबर पांचात हार खावची पडल्या. पयलेच खेप वेंचणूक लडोवपी मावरिलि पाॉल कार्व्हालो हांणी ताका 57 मतांनी हारयलें. बोरकार हाचे हारीक लागून पुराय पंचायत वाठाराक अजापाचो धपको बसलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
