भांगरभूंय | प्रतिनिधी
पणजी, प्रतिनिधी : सहकार मळार सर्त चलना. रिणां आनी बँक ठेवी असल्यो आकर्षक सेवा सहकार क्षेत्रातल्यो बँको दितात. पुण मागीर गणीत चुकता आनी त्यो बुडटात. भागधारकांनी स्वताचो फायदो पळोवच्या परस परस्परांक मजत करून सहकार मळ वयर काडपाचो यत्न करचो, असो उलो सहकार निबंधक अरविंद बुगडे हांणी मारला.
नागरी पुरवण खाते आनी सहकार निबंधक विभागान पणजे संवसारीक गिरायक हक्क दीस मनयलो. नागरी पुरवण मंत्री रवी नायक आनी सहकार मंत्री सुभाष शिरोडकार हांचे हस्तुकी उक्तावण जाले. ह्या वेळार गिरायक सुरक्षा कायद्या विशीं जनजागृताय करपा विशीं सहकार क्षेत्रातले भागधारकां बरोबर तांत्रिक सत्र घडोवन हाडले. सहकार अधिकारी मंगेश फडते मार्गदर्शन केले. सत्र सोंपले उपरांत निबंधक बुगडे भागधारकां कडेन उलयताले.
सहकार निबंधक कायद्या खाला जनजागृताय घडोवन हाडली. सहकार मळार परस्पर विश्वास आनी इश्टागत उरची म्हण आॅडीट, अर्थीक स्टेटमेंट, वेंचणूक आनी वर्सुकी बसका (एजीएम) हे विशीं लोकांक जागृत करप हो आमचो उद्देश अशें अरविंद बुगडेन सांगलें.
गिरायक ओडपा खातीर बॅको बरे दर लावन बँक ठेवी येवजण सुरू करता. जेन्ना लोकांनी गुंतयल्ले पयशे दरा सकट परत दिवचे पडटात तेन्ना रिणाच्या जुराची किंमत वाडोवची पडटा. देखून खुबशीं रिणां चुकतात आनी सहकार मळ त्रासान पडटा. बसता त्या दरांत रिणां आनी ठेवी दिवप हें गरजेचें देखून सर्त नाका, परस्पर विश्वास सहकार क्षेत्रांत जाय, अशें बुगडे हांणी मुखार सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
