भांगरभूंय | प्रतिनिधी
नवी दिल्ली, खबरां संस्था: दरेक बायलेक आवय जावपाची खोस मेळटाच अशें ना. मागीर सरोगसी हो तांचो आदार जाता. सरकारान ह्या बायलां खातीर व्हडली घोशणा केल्या. सध्या बायलांक बाळंत जातकच कायदेशीर रितीन ६ म्हयन्यांची प्रसूती सुटी दितात. हातूंत बायलांक ६ म्हयन्यांचो पुराय पगार दिवपाचें बंधन आसता. आतां सरोगेसी वरवीं आवय जावपी बायलांकय ही सुविधा मेळटली.
सध्या फकत सरकारी बायलां कर्मचार्यांक सरोगेसी वरवीं आवय जाल्यार प्रसूती सुटयेचो फायदो मेळटलो. सरोगेसी वरवीं आवय जावपी सरकारी खात्यांत काम करपी बायलांक १८० दिसांची प्रसूती सुटी मेळूं येता.
सरोगसी वरवीं आवयपणाचे बाबतींत भुरग्याक जल्म दिवपी बायलेक ‘सॅरोगेट आवय’ अशें म्हण्टात. तिका आपली गर्भकुड भाड्याक दिवचें पडटा, जंय भुरग्याक पोटांत दवरतात. पूण भुरग्याची खरी आवय तीच आसता. कायद्यांत अश्या आवयांक ‘कमिशन्ड मदर’ अशें म्हणटात.
हे खातीर केंद्रीय नागरी सेवा (सुटी) नेम, १९७२ त दुरुस्ती करून भुरग्यांच्या पालनपोशणा खातीर ‘कमिशन्ड मदर’ हिका ६ म्हयन्यांची प्रसुती सुटी दिल्या. तशेंच अशे तरेन बापूय जावपी दादल्यांक ‘कमिशन्ड फादर’ अशेंय म्हणटात आनी तांकां १५ दिसांची पितृत्व सुटी घेवंक मेळटा.
मात, सरोगसी प्रकरणांत प्रसुती रजेचीय अट घाल्या. फकत दोन भुरगीं आशिल्ल्या बायलांक ही सुटी मेळटली. म्हणल्यार, कमिशन्ड केल्लो बापूय आनी आवय दोगांय सरकारी नोकरेंत आसतनाच १८० दिसांची प्रसूती सुटी दिवंक मेळटा. आतां मेरेन देशांत सरोगसींतल्यान भुरगें जल्माक आयल्यार सरकारी कर्मचार्यांच्या बायलांकूच प्रसूती सुटी दिवपाचो नेम नाशिल्लो.
सरोगसी वरवीं भुरगो जल्मलो जाल्यार भुरग्याच्या जल्म तारखे सावन स म्हयन्यां भितर फकत जल्म दिवपी बापायक पितृत्व सुटी दिवंक मेळटा अशें नव्या नेमांत म्हणलां. हे नेम १८ जूना सावन चालीक लायल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
