भांगरभूंय | प्रतिनिधी
० चित्पावन ब्राह्मण संघा वतीन दर वर्सा प्रमाण देवी योगेश्वरी देवस्थान, पार्वतीनगर, कुळण, सर्वण, सांखळे आयतार ता. १४ एप्रील ते आयतार ता. ५ मे मेरेन अशे २२ दीस नवे मौंजीबंधन जाल्ल्या बटूं खातीर रावपाच्या ब्रम्हचर्याश्रम वर्गाचें आयोजन केलां. द्रवीड ब्राह्मण समाजांतल्या १३ वर्सां पिराये सकयल्या बटूंक ह्या वर्गांत पयले येवपी पयले ह्या तत्वाचेर प्रवेश दितले. नांवां नोंद करपाक संघाचे अध्यक्ष दिपक मराठे (९९२३३६८७९६) वा देवस्थान वेवस्थापक संजय बर्वे (९१५६०४३८८६) हांचे कडेन संपर्क करपाचो उलो चित्पावन ब्राह्मण संघा वतीन मारला.
० पर्यें-सत्तरी शिमे वयली बाजारकारांची ग्रामदेवता श्री देवी सप्तशती भुमिका देवीचो व्हडलो शिमगोत्सव फाल्यांच्यान विंगड विंगड कार्यावळींनी मनयतले. ह्या निमतान बुधवार ता.३ एप्रील ते ९ एप्रील मेरेन विंगड विंगड धार्मीक आनी सांस्कृतीक कार्यावळींचें आयोजन केलां. भाविकांनी ह्या कार्यावळींक हजर रावपाचो उलो देवळाचे समितीन मारला.
० श्री देव राष्ट्रोळी देवस्थान कडसरें वारखंड शेनवार ता. ६ एप्रिलाक साजच्या ३ वरांचेर श्री सत्यनारायण महापुजेचें आयोजन केलां. सांजच्या ४.३० वरांचेर आरती आनी तिर्थप्रसाद आसतलें. तशेंच सांजेवेळार ७ वरांचेर महाप्रसादाचें आयोजन केलां. रातच्या ९ वरांचेर श्री देव भुमिका लोककला नाट्यमंडळ मळगांव सावंतवाडी निर्मित चित्रांगी गंधर्व उद्धार हो दशावतारी नाट्य प्रयोग सादर करतले. सगळ्या भाविकांनी तिर्थप्रसाद, महाप्रसादाचो लाव घेवचो अशें आयोजकांनी कळयलां.
० हिंदू सांस्कृतिक न्यास वतीन चैत्रशुध्द प्रतिपदा गुढीपाडव्या निमतान मंगळार ता. ९ एप्रीलाक गुढी रोवपाची कार्यावळ सकाळीं ७ वरांचेर जातली. ही कार्यावळ फोंडेंच्या क्रांती मैदानार जातली. ह्या दिसा सकाळीं ६ वरांचेर गुढीपाडवो समारंभाक सुरवात जातली अशी म्हायती अध्यक्ष जयंत मिरींगकार हांणी दिली.
० मळा- कुंभारजुवेंच्या फिलोमेन डिसा मैदानार चोवथ्या १४ वर्सां पिराये सकयल्या भुरग्यां खातीर शालेय टेनिसबॉल क्रिकेट सर्तीचें आयोजन केलां. ही सर्ती ता.१० ते १२ एप्रिलाक जातली. कुंभारजुवेंच्या स्पार्कलिंग स्पोर्ट्स अँड कल्चरल क्लबान गोंय टेनिसबॉल क्रिकेट संघटणेच्या जोड पालवान हे सर्तीचें आयोजन केलां. ता. १ जानेवारी २०१० आनी ताचे उपरांत जल्मल्ले खेळगडे हे सर्तींत वांटो घेवपाक शकतातहे सर्तींत वांटो घेवप्यांनी ६ एप्रील पयलीं हरेश पार्सेकार, अजिंक्य नायक, विरेंद्र माजिक, किर्तन वैझ, निकिता नायक, संदीप नावीक, किशोर किनळेंकार हांचे कडेन संपर्क करपाचो उलो मारला.
० कासारपाल, दिवचलच्या श्री देवी महामाया कालिका देवस्थानांत ता. ४ ते १० एप्रील मेरेन शिशिरोत्सवा निमतान विंगड विंगड धर्मीक आनी सांस्कृतीक कार्यावळींचें आयोजन केलां. ह्या निमतान ता. ४ एप्रिलाक सकाळीं ९ वरांचेर धर्मीक विधी जातल्यो. दनपरां आरती, प्रसादा उपरांत महाप्रसादाचें आयोजन केलां. ह्या उत्सवाक भाविकांनी व्हडा संख्येन हाजीर रावपाचो उलो देवळाचे समितीन मारला.
० गोमंतक भंडारी समाज फोंडें म्हालांतले समाज भाव, भयणांक कळयता, समाजाचें आराध्य दैवत देव श्री रुद्रेश्वर देवस्थान, हरवळ्यां आयतार ता. ७ एप्रिलाक म्हयन्याळे शिवरात्री उत्सवा निमतान पालखी सुवाळ्याचें आयोजन केलां. सांजेवेळार ७ वरांचेर पालखी जातली. उपरांत आरती, प्रसाद आनी महाप्रसाद जातलो. ह्या म्हालांतल्या समाज भाव, भयणांनी व्हडा संख्येन हाजीर रावन तिर्थ प्रसादाचो लाव घेवपाचो उलो फोंडें म्हाल निमंत्रक गुरुनाथ (भाई) नायक हांणी मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
