भांगरभूंय | प्रतिनिधी
मुख्यमंत्र्यांच्या मध्यस्थीक येस, प्रकाश वेळीपांक थाकाय
पणजी : कला आनी संस्कृती खात्याच्या निधी प्रकरणी आदले मंत्री प्रकाश वेळीप हांचे वक्तव्याक लागून सभापतींनी जारी केल्ल्या नोटीसीचो वाद सभाघरा भायर मिटलो. सभाघरांचे फुडारी ह्या नात्यान मुख्यमंत्री डॉ. प्रमोद सावंत हांचे मध्यस्थीन सभापती रमेश तवडकार हांणी प्रकाश वेळीप हांचे कडेन चर्चा करून हो विशय सोंपयलो. आतां हो विशय सुटावो जालो, अशें निवेदन सभापतींनी केले.
सभाघरा भायर हो वाद सुटावो जाल्ल्यान नोटीसी प्रमाण आदले मंत्री प्रकाश वेळीप हांका सभाघरांत येवचें पडूंक ना. शुक्रारा सभापतींनी प्रकाश वेळीप हांका उपस्थित रावपा विशीं नोटीस जारी केल्ली. कला आनी सांस्कृती खात्याच्या निधी प्रकरणी आदले मंत्री प्रकाश वेळीप हांणी पत्रकार परिशद घेवन काय वक्तव्या केल्ली. ह्या वक्तव्यांक आक्षेप घेत सभापती रमेश तवडकार हांणी सभापतींच्या विशेशअधिकारांचो अपमान जाल्ल्याचो दावो करीत तांका नोटीस जारी केल्ली. हे विशीं सभाघरांचे कामकाज सोंपचे पयली सभापतींन चर्चेन हो विशय सुटावो जाल्ल्याचे निवेदन सभाघरांत केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
