भांगरभूंय | प्रतिनिधी
पणजी : गोंय वारसो, खासा नोटरी आनी इन्वेंटरी दुरुस्ती विधेयकां सयत सभाघरांत सोमारा 6 विधेयकां सादर जालीं.
दिसाक 30 क्युबीक मिटर परस चड उदक वापरपी खासगी तशेंच सरकारी आस्थापनाक घाणयाऱ्या उदकाचेर प्रक्रिया बंधनकारक करपी गोंय उदका पुरवण विधेयक सभाघरांत सादर जालें. उदकाचेर प्रक्रिया करपी यंत्रणा नासली जाल्यार दिसाक 10 रुपया दरेकी क्युबीक मिटर प्रमाण तळ्याची तजवीज विधेयकांत आसा. उदका पुरवण खात्याचे मंत्री सुभाष शिरोडकार हांणी हें विधेयक सभाघरांत सादर केलें.
बेकायदाे बांय वा बोरवेल मारून बेकायदाे उदक पुरवण करपी मनशाचेर 10 लाखा मेरेन दंड दिवपाची तजवीज आशिल्ले भूंय उदक नियंत्रण विधेयक सभाघरांत सादर जालें. उदकाचें प्रदुशण केल्ल्यान 10 लाखा मेरेनच्या दंडाची तजवीज विधेयकांत आसा. उदका पुरवण मंत्री सुभाष शिरोडकार हांणी हें दुरुस्ती विधेयक सभाघरांत मांडलें.
कायदो मंत्री अालेक्स सिक्वेरा हांणी गोंय कोर्ट फी विधेयक तशेंच गोंय वारसो, खासा नोटरी आनी इन्वेंटरी दुरुस्ती विधेयक सभाघरांत सादर केलें.
मुख्यमंत्री डॉ. प्रमोद सावंत हांणी भारतीय नागरीक सुरक्षा संहिता दुरुस्ती तशेंच जिएसटी दुरुस्ती विधेयक सभाघरांत सादर केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
