भांगरभूंय | प्रतिनिधी
आळंदी: फाटल्या चार दिसां सावन सुरू आशिल्ल्या घोग्यांनी पावसाक लागून पंढरपूरांत हुंवाराची परिस्थिती निर्माण जाल्या. आषाढी वारी सुवाळो २५ जुलयाक जातलो. पावसाक लागून आळंदीतले चारूय पूल पावसाच्या उदका पोंदाक गेल्यात. अशे परिस्थितींत आळंदींतल्यान एक म्हत्वाची अपडेट मुखार आयल्या. हाका लागून आळंदी देवस्थान प्रतिश्ठानान वारकरी भाविकांक आळंदींत येवं नाकात असो उलो मारला.
इंद्रायणी न्हंयेक आयिल्ल्या हुंवाराक लागून आळंदी शारांतल्या विवीध सुवातांचेर आडकून उरिल्ल्या भाविकांची आळंदी नगरपरिशद, आपत्ती वेवस्थापन यंत्रणां, पुलीस प्रशासन, उजो पालोवपी दळ, तशेंच (एनडीआरएफ) आनी संबंदीत विभागांच्या समन्वयांतल्यान सुरक्षीत सुटका केली.
श्री आळंदी देवस्थान कमिटीचो पालखी सुवाळो मुखेली ऍड. राजेंद्र उमाप हांणीवारकरी, भावीक आनी नागरिकांक आळंदीत येवचें न्हय असो उलो मारला. सध्या आळंदींत येवप सुरक्षीत ना. जे भावीक आळंदीचे दिकेन प्रवास करतात त्या वारकरांनी आशिकुशीकच्या वाठारांत वा सुरक्षीत सुवातेर रावचें. अळंदीत येवपाचो यत्नकरचो न्हय. हुंवाराची स्थिती पळयल्यार देवस्थानाचे वतीन गरजेची वेवस्था केल्या, असो उलो मारला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
