सत्तेर आयल्यार काँग्रेस पक्ष कर्नाटकांतल्या बायलांक म्हयन्याक 2 हजार रुपया दितलो राहुल गांधीन  बेळगावांत  केलीवेंचणूक प्रचाराक सुरवात 

- कॉग्रेस पक्षाच्या वेंचणूक जाहिरनाम्याचें प्रकाशन करतना राहुल गांधी. वांगडा मल्लिकार्जुन खर्गे, डी के शिवकुमार, सिद्दारामय्या

भांगरभूंय | प्रतिनिधी

भांगरभूंय । प्रतिनिधी
बेळगांवः कर्नाटकांत सत्तेर आयल्यार काँग्रेस पक्षान राज्यांतल्या बायलां खातीर गृहलक्ष्मी येवजणे खाला म्हयन्याक 2 हजार रुपया दिवपाचें तशेंच  25 वर्सा पिराये सकयल्ल्या पदवीधर आनी पदविकाधारांक दोन वर्सा दरेकी 3 हजार आनी 1500 रुपयाचो बेकारभत्तो आनी बीपीएर रेशनकार्ड धारकांक  म्हयन्याक 10 कील तांदुळ मुफत दिवपाचे आस्वासन दिलां. काँग्रेस फुडारी आनी खासदार राजीव गांघी हांणे सोमाराक बेळगावांत पक्षाच्या जाहिरनाम्याचें प्रकाशन करून कर्नाटक विधानसभेच्या प्रचाराक सुरवात केली.
ह्या निमतान आयोजीत केल्ले युवाक्रांती मेळाव्यात राहुल गांधी हाणे कर्नाटक आनी केंद्रांतल्या भाजपा सरकाराचेर खर उतरांनी टिका केली. केंद्र आनी राज्यातलें भाजपा सरकारन सगल्यांत भ्रश्ट असो ताणे आरोप केलो. काँग्रेस पक्षाचे राष्ट्रीय अध्यक्ष मल्लिकार्जुन खर्गे, कर्नाटक प्रदेश काँग्रेस अध्यक्ष डी के शिवकुमार, आदले मुख्यमंत्री आनी काँग्रेस विधीमंडळ पक्ष फुडारी सिद्दारामय्या, काँग्रेस म्हासमिती सचीव रणदीप सुरजवाल आनी पक्षाचे ज्येश्ठ फुडारी  युवाक्रांती मेळाव्याक हाजीर आशिल्ले.
कर्नाटकांतल्या भारत जोडो यात्रे वेळार शेतकार, तरणाटे आनी बायलांनी म्हाका सद्याचें भाजप सरकार कांयच कोताचें नासून सगळ्या मळार तें अपेशी थारलां अशें सांगलें. हें 40 टक्केवालें सरकार असा अशी कंत्राटदार आनी हेर मळांतल्या लोकांची कागाळ आसा. सुराज्या खातीर भाजपा सरकाराक घरा धाडून काँग्रेस पक्षार सत्तेर हाडपाचें आवाहन राहुल गांधी हांणी कर्नाटकांतल्या लोकांक केलां.
काँग्रेस पक्षाक सत्तेर हाडल्यार पांच वर्सांत 10 लाख नोकऱ्यो तयार करपाचें तशेंच 2.50 लाख सरकारी पदां भरपाचे आस्वासन काँग्रेस पक्षान दिला. 25 वर्सां पिराये सकल्ल्या पदवीधारकांक दोन वर्सा म्हयन्याक 3 हजार आनी पदविकाधारांक 1500 रुपया भत्तो दिवपाचेंय उतर पक्षान दिलां.