भांगरभूंय | प्रतिनिधी
खबरां संस्था ः सैमांतल्या दरेका सवण्यांची वेगवेगळी खाशेलपणां आसात. खंयचेंय सवणें पळयले की सगळ्यांत पयलीं लक्ष वयता ते तांचे सतरंगी रंगाचेर. दरेक सवण्यांचे अवयव वेगवेगळ्या आकार, प्रकाराचे आसात. चोंच हें पक्षाचें मुखेल अवयव. सवणें आपल्या चोंचींतल्यान अन्न एकठांय करतात, पिलांक पोसतना स्वता सुरक्षीत घोंटेर बांदतात. देखून सवण्यांचे हें अवयव तांकां खूब उपेगी पडटा. तुमकां खबर आसा संवसारांतल्या खंयच्या सवण्यांची चोंच सगळ्यांत लांब आसा?
डिस्कवर वाइल्डलायफ संकेतथळा प्रमाण, संवसारांत हमिंगबर्डांचीं 350 प्रजाती आसात. ह्या सवण्यांचो आकार खूब ल्हान आसा. संवसारांतलो सगळ्यांत ल्हान हमिंगबर्ड, जाका ‘बी हमिंगबर्ड’ अशेंय म्हण्टात. ह्या सवण्याचो आकार 5 सेंटीमीटर आनी वजन 5 ग्राम मेरेन आसा. जाल्यार सामान्य हमिंगबर्डाचें वजन 4 ग्राम ते 5 ग्राम मेरेन आसूं येता. पूण ह्या सगळ्यांत ल्हान हमिंगबर्ड जातीची चोंच ताच्या आंगा परस लांब आनी सुऱ्या सारकी आसा. ती 12 सेंमी. लांबाये मेरेन पावूंक शकता.
दक्षीण अमेरिकेंतल्या अँडियन वाठारांत सुमार 1700 ते 3500 मीटर उंचायेचेर स्वॉर्डबिल्ड हमिंगबर्ड्स रावतात आनी सगळ्यांत लांब चोंच आशिल्ल्या हमिंगबर्ड जातींतलो हो एक. हें एकमेव सवणें, जाची चोंच सुमार 12 सेंमी. मेरेन आसूं येता जी ताच्या हेर आंगाच्या अवयवां परस लांब आसता. हमिंगबर्डची (Swordbilled Hummingbird) ही सगळ्यांत लांब चोंच पातळ फुलांपसून अमृत सहजपणान काडूं येता. तशेंच हें सवणें एका सेकंदांत 12 फावटीं पांखां हालोवंक शकता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
