भांगरभूंय | प्रतिनिधी
गोंय म्हायती तंत्रज्ञान विभाग पांचव्या फुडारा खातीर यत्न करता
पणजी: आयज 5 जुनाक पर्यावरण दीस मनयतात. आमच्या अंदूंचो पर्यावरण दिसाचो विशय जावन आसा, ‘आमची भूंय. आमचो फुडार’. संवसारीक पर्यावरण दीस मनोवप फकत आमच्या यत्नांचें म्हत्व सांगिना. जाल्यार व्यक्ती, समुदाय आनी राष्ट्रांक पर्यावरणाच्या वावरांत वांटेकार जावपाक उर्बा दिता. हेच भावनेने, स्टार्टअप्सच्या नव्या यत्नांनी आनी म्हायती तंत्रज्ञान इलेक्ट्रॉनिक ऍण्ड कम्युनिकेशन (ITEC) विभागाच्या फाटबळान गोंयच्या पयारवरणाचे संरक्षण आनी टिकाऊपणाचें समर्पण दिसता. राबयल्लो हो उपक्रम पांचव्या, चड टिकाऊ फुडार निर्माण करपाक तंत्रज्ञान आनी सामुदायिक कृती एकठांय कशी येता हें दाखयता.
इनोवेशिया वेस्ट एड ऍण्ड मॅनेजमेंट प्रा.लि. (Inovativa Waste Aid and Management Pvt Ltd) हांणी YIMBY (येस इन माय बॅकयार्ड) ह्या उपक्रमा वरवीं भारतांतलें पयलें कोयर वेवस्थापन गिरायक केंद्र स्थापन केलां. हें केंद्र गिरायकांक कोयर वेवस्थापनांत सक्रीयपणान वांटो घेवपा खातीर, जबाबदारेची भावना आनी समुदायाच्या वांट्या उर्बा दिता. स्वच्छाई टेक्नॉलॉजीस प्रायव्हेट लिमिटेड कोयर वेवस्थापनाची गंभीर समस्या सोडयता.
टर्सस एनर्जी प्रा.लि (Tersus Energy Pvt Ltd) ही उच्च तांकीची सौर पेशींचे निर्मितींत विशेश, सौर तंत्रज्ञानाच्या अत्याधुनीक क्षेत्रांत आसा. सूर्याच्या सामर्थ्याचो उपेग करून, टर्सस एनर्जी (Tersus Energy) शाश्वत ऊर्जा समाधान दिसा जें जिवाश्म इंधना वयलें अवलंबित्व उणें करता आनी हवामान बदल उणो करपाक मजत करता. आर्सिस क्लीन एनर्जी प्रा.लि (Arcis Clean Energy Pvt Ltd), बी लायव्ह (BLive) ह्या ब्रँड खाला, लायटीचे येरादारींत संक्रमण सुरळीत करता. बी लायव्ह (BLive) फ्लीट धनयांक इलेक्ट्रिक वाहनांचेर अखंडपणान स्विच करपाक करपाक सगळे तरेच्यो सेवा दिता, जाता लागून कार्बन उत्सर्जन उणें जाता.एसएमडी पॉवर सोल्यूशन्स प्रा.लि. (SMDpower Solutions Pvt Ltd) स्मार्ट वीज मापन आनी डायनॅमीक पॉवर-सेव्हिंग सोल्यूशन्साचेर लक्ष केंद्रीत करता. तांचें तंत्रज्ञान ऊर्जेचो वापर उणो करता, त्रास उणे करता आनी शाश्वत ऊर्जा पद्धतींक उर्बा दिता. एरफ्लो टेक्नॉलॉजीज प्रायव्हेट लिमिटेड (Aerflo Technologies Pvt Ltd) आपल्या स्मार्ट सीलिंग फॅनां वरवीं म्हत्वाचो प्रभाव घालता. हे फॅन ऊर्जा, तांक वाडोवपाक प्रगत तंत्रज्ञानाचो लाव घेतात. जाका लागून विजेचो वापर उणो जाता. कॅरी युवर बॉटल प्रायव्हेट लिमिटेड (Carry Your Bottle Pvt Ltd) प्लास्टीक कोयर उणो करपाचे नदरेन सांस्कृतीक बदल घडोवन हाडटा.
गोंयचें म्हायती तंत्रज्ञान, इलेक्ट्रॉनिक्स आनी दळणवळण विभाग (DITEC) स्टार्टअप्सांक समर्थन दिवपाक आनी टिकापण चालीक लावपाक म्हत्वाची भुमिका करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
