भांगरभूंय | प्रतिनिधी
खबरां संस्था
पॅरीसः संवसारीक तिरंदाजी सर्तींत भारतीय बायल पंगडान रुप्या पदक मेळयलें. दिपिका कुमारीच्या फुडारपणा सकयल्ले ह्या पंगडाक फायनलींत तायवानान 5-1 अशें हारयलें. भारतान हे सर्तींत एक भांगराचें आनी दोन रुप्या पदकां मेळयलीं.
दीपिाक कुमारी, अंकिता भगत आनी सिमरनजीत कौर ह्या भारतीय पंगडाक तायवानान सरळ सेटांत 1-5 (53-56, 56-56, 53-56) अशें हारयलें. तायवान पंगडांत रियो ऑलिम्पीक सर्तींत कांस्या पदक जिखपी लेई चिएन यिंग हिचो आसपाव आशिल्लो. ताणे सुरवेक सावन भारतीय तिरंदाज खेळगड्यांचेर चेंपण हाडलें आनी उपरांत भारतीय खेळगड्यांनी 56-56 अशी बोरोबोरी करून लेगीत निमाणे भांगरा पदक मेळयलें.
हे सर्तींत कपांवंड मिक्स टीम सर्तींत ज्योती सुरेखा आनी अभिषेक वर्मा जोडयेन भारताक भांगरा पदक जिखून दिलें. ताणी फ्रान्साच्या रॉबीन जाजमा आनीलिसेल जाटमा 152-149 अशें हारयलें. सुरेखाक कपांवंड बायल एकोडेंत रुप्या पदक फावो जालें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
