भांगरभूंय | प्रतिनिधी
मडगांव : बाळ्ळीच्या श्री शांतादुर्गा बाळ्ळीकान्न संस्थानाचो वर्सुकी शिडयो उत्सव –गडे उत्सव व्हड उमेदीन मनयलो.
बाळ्ळीकान्न देवळा मुखार लाट खांब्याक गड्याक लाटार बांदून पांच भोंवताडे मारले. उपरांत भाविकांनी गड्यांचें दर्शन घेवन आशिर्वाद घेतलो. ह्या वेळार व्हड संख्येन भावीक हाजीर आसले. भाविकां मदीं समाज कल्याण मंत्री सुभाष फळदेसाय, केपेंचे आमदार एल्टन डिकॉस्टा, कुमारजुवेंचे आमदार राजेश फळदेसाय, आदले मंत्री मिलिंद नायक, आनी हेर मानेस्तांचो आस्पाव आशिल्लो. सोमारा 13 मार्चाक सकाळीं धर्मीक विधी, दनपरां वांगडी अभिशेक आनी रातच्या 10 वरांचेर देवीची विजयरथांतल्यान मिरवणूक, उपरांत कोंकणी नाटक जालें.
मंगळारा 14 मार्चाक सकाळीं दिवजां उत्सव, रातच्या 10 वरांचेर देवीची सिंह रथांतल्यान मिरवणूक, उपरांत कोंकणी नाटक जालें. बुधवारा 15 मार्चाक सकाळीं धर्मीक विधी, रातीकडेन महारथांतल्यान मिरवणूक, बिरेस्तारा 16 मार्चाक गडे उत्सव जालो. शुक्रारा 17 मार्चाक सकाळीं गुलाल उत्सव, रातीकडेन गळखांब उपरांत गाराणें आनी महाआरती जाले उपरांत जात्रेची सांगता जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.