भांगरभूंय | प्रतिनिधी
खेळां आनी युवा वेव्हार संचालनालयान आयोजीत केल्ले विभाग चारांतले चलयांचे टॅनीस बॉल क्रिकेट सर्तींत श्री चंद्रेश्वर भुतनाथ उच्च माध्यमीक विद्यालयाच्या पंगडाक कांश्या पदक फावो जालें.
कुडचडेंच्या खेळां संकुलाच्या मैदानाचेर जाल्ले मॅचींत श्री चंद्रेश्वर भुतनाथ उच्च माध्यमीक विद्यालयाच्या पंगडान वझनगाळच्या एव्हीपीम उच्च माध्यमिकाच्या पंगडाक हारोवन सर्तींतलें कांश्या पदक जिखलें.
कांश्या पदक जिखपी श्री चंद्रेश्वर भुतनाथ उच्च माध्यमिकाच्या चलयांच्या पंगडांत कनिष्का देविदास, अलिशा वेळीप, रुतुजा वेळीप, विदिका गांवकार, प्रियंका नागवेंकार, प्रियंका शेळपेंकार, प्रतिक्षा नागवेंकार, महिमा गांवकार, साक्षी वेळीप, नमिता गांवकार, प्रियानी वेळीप, रुतिशा देसाय ह्या खेळगडयांचो आस्पाव आशिल्लो. ह्या येसाक लागून शिक्षक वर्गान खेळगड्यांक परबीं भेटयल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.