भांगरभूंय | प्रतिनिधी
खबरां संस्था
चितगांवः बांगलादेशाच्या आडचो दुसरे टॅस्टींत श्रीलंकेन आपल्या पयल्या डावांत 531 धांवड्यो केल्यो. बांगलादेशाच्या पयल्या डावांत 55 धांवड्यांत 1 विकेट घेतली. ते अजून 476 धांवड्यांनी मुखार आसात. कामिंदू मेंडीस हाणे नाबाद 92 धांवड्यो करून केल्ल्यान पयल्या दिसाच्या आपल्या 4 आवट 314 धांवड्यांत श्रीलंकेन 6 गडी वोगडावन 217 धांवड्यांची भर घातली.
काल नाबाद आशिल्ल्या धनंजय डिसिल्वान 6 चौके आनी 2 सक्यांनी 70 आनी चंदिमलान 5 चौके आनी 2 सक्यांनी 59 धांवड्यो केल्यो. कामिंदु मेंडीसान श्रीलंकेक पांचशें धांवड्याच्या टप्प्यार व्हरतना 7 चौके आनी 2 सक्यानी नांबाद 92 धांवड्यो केल्यो. प्रभात जयसूर्यान 28 आनी विश्वा फर्नांडोन 11 धांवड्यो केल्यो. शकीबान 110 धांवड्यांत 3 आनी हसन महेंदीन 2 विकेटी घेतल्यो. खलील अहमद आनी मंहदी मिर्झान दरेकी एक विकेट घेतली. श्रीलंकेचे तीन खेळगडे ऱन आवट जाले.
बांगलादेशान दुसऱ्या दिसाचो खेल सोपलो तेन्ना 1 आवट 55 धांवड्यो केल्यो. पंगडाच्यो 47 धांवड्या जाल्ल्लो तेन्ना लहिरू कुमारान ओनपर महुदूल हसन रॉय हाका ताच्या 21 धांवड्याचेर बोल्ड केलें. झकीर हसन (28) आनी तजुहल इस्लाम (0) खेळटात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
