भांगरभूंय | प्रतिनिधी
भांगरभूंय । प्रतिनिधी
मडगांवः गोंयांतलो नामनेचो सुकणी फोटोग्राफर शैलेंद्र नेताजी नायक हागा राना खात्यान आयोजीत केल्ल्या 7व्या गोंय सुकणी महोत्सवांत फोटोग्राफींतलो पयलो पुरस्कार फावो जाला. शैलेंद्र मूळ सावड्डेचो पूण सध्य ढवळी- फोंडें हांका रावता. लेखक आनी मुख्याध्पापक रंजन नायक हाचो तो पुतणो.
गोंय राना खात्याचो मुख्य रानां संरक्षक प्रवीणकुमार राघव (आयएफएस) हांणी व्हो पुरस्कार शैलेंद्र नायकाक भेटयलो. हाचे पयलीं नायक हाका सुकणी महोत्सवांत दोन फावट पयलो पुरस्कार, दोन फावट दुसरो पुरस्कार आनी एक फावट उमेद वाडोवपी इनाम मेळल्लें. शैलेंद्र पयलीं म्हापशा अर्बन बँकेत वेवस्थापक म्हणून काम करतालो. उपरांत ताणे सुकणी फोटोग्राफींत लक्ष घातलें. सध्या गोंयचो आघाडेचो सुकणी फोटोग्राफर अशी ताची नामना आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
