भांगरभूंय | प्रतिनिधी
भांगरभूंय । सांस्कृतीक प्रतिनिधी
पणजीः कला रंग प्रतिश्ठान गोंय संस्थेचो गुणिरंग संगीत महोत्सव शेनवार 23 मार्याक दनपारां 3.30 तें सांजे 7.30 मजगती गोंय चेंबर ऑफ कॉमर्साच्या सुरेंद्रबाबू तिंबले सभाघरांत जातलो. ह्या वेळार मुखेल सोयरे म्हणून ज्येश्ठ गायक धर्मानंद गोलतकार आनी मानाचे सोयरे म्हणून रामचंद्र वागळे हाजीर रावतले.
महोत्सवाच्या उक्तावणा उपरांत पयल्या सत्रांत विनय बर्वे हाचे गायन आनी सदानंद आमोणकार हाचे सतारवादन जातलें. दुसऱ्या सत्रांत शांताराम गोवेकार आनी पं. कमलाकर नायक हांचें गायन जातलें. तांकां दत्तराज म्हाळशी आनी प्रसाद गांवस संवादिनीचेर तशेंच दयानंद कांदोळकार आनी नितीन कोरगांवकार तबल्याचेर सांथसंगत करतले. दुर्गाकुमार नावती सूत्रनिवेदन करतोलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
