भांगरभूंय | प्रतिनिधी
फोंडें, प्रतिनिधी : फोंडें म्हालांत शुक्रारा सकाळीं सुरु जाल्ल्या वादळ, वार्याक लागून जायते सुवातेर झाडां, पालसणां कोसळ्ळ्यांत. नागेशी- बांदोड्यां आयज सकाळीं वीज खांबो रस्त्यार कोसळ्ळो. मागीर दुदसागर घसघश्या लागसारा रेल्वे रुळार पालसणां कोसळळ्ळीं. सकाळ मेरेन पालसणां कुशीक केले उपरांत रेल्वे सेवा सुरू करपाक रेल्वे कर्मचार्यांक येस आसयलें.
मेळिल्ले म्हायती प्रमाण, शुक्रारा सकाळीं सुमार ४ वरांचेर रेल्वे रुळार पालसणां कोसळ्ळीं. घडणुकेची म्हायती मेळ्ळे उपरांत रेल्वे कर्मचार्यांनी वचून सकाळीं ५. ३० वरां मेरेन पालसणां कुशीक केलीं. उपरांत रेल्वे येरादारी सुरु केली. मात पालसणां कोसळिल्ल्यान लोंढा, अळणावर, कुळें, वास्को आनी बेळगांव ह्या पांच सुवातांचेर रेल्वे आडयल्यो. सकाळीं पालसणां कुशीक केले उपरांत सगळ्यो रेल्वे सोडल्यो.
नागेशी सकाळीं सुमार ५.३० वरांचेर लायटीचो खांबो रस्त्यार कोसळ्ळो. ह्या वेळार रस्त्यार कोणून नाशिल्ल्यान कोणाक कांय जावंक ना. जाल्यार हेर एक लायटीचो खांबो कोसळपाचे वाटेर आशिल्लो. वीज खात्याचे कर्मचारी रोखडेच घडणुके सुवातेर पावन तांणी लायटीचो खांबो कुशीक काडलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
