भांगरभूंय | प्रतिनिधी
भांगरभूंय । प्रतिनिधी
शिवोलीः दांडो- शिवोली हांगच्या नव्या फुटबॉल मैदानाचें उक्तावण शिवोलेची आमदार डिलायला लोबो हिचे हस्तुकीं केलें. ह्या वेळार शिवोली- मार्ना पंचायतीची आदली सरपंच आनी सध्याची पंच वांगडी शर्मिला वेर्णेकार, शिवोली भाजपा युवा मोर्चाचो अध्यक्ष विनय वायंगणकार आनी हेर मानेस्त हाजीर आशिल्ले.
ह्याच वाठारांत फाटल्या वेंचणुके वेळार मैदान बांदून दिल्लें. थळावे तरणाटे ताचो उपेग करतात. ह्या मैदाना पसून लागींच हे नवें मैदान बांदलां. तरणाट्यांनी ताचो चडांत चड उपेग करचो अशें आवाहन डिलायला लोबो हिणे केलां. शिवोली मतदारसंघांतल्या तरणाट्यां खातीर फुडाराक बऱ्यो येवजण्यो चालीक लायतले. मतदारसंघातल्यो हेर समस्या सुटाव्यो करपाचो आपले यत्न चल्ल्यात अशें तिणे सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
