भांगरभूंय | प्रतिनिधी
म्हापशें, प्रतिनिधी ः मार्ना – शिवोलेच्या एका बंगल्यांत बेडरुमाच्या जनेलाचें जाळें कापून अज्ञात चोरांनी 14 लाख 70 हजार रुपयांच्यो भांगराच्यो वस्ती आनी ३ लाख १५ हजार रोख रक्कम फारायली. ह्या प्रकरणांत हणजुणा पुलिसांनी गुन्यांव नोंद केला.
ही घडणूक बुधवारा मध्यान रातीं 12.30 ते सकाळीं 6.30 मजगतीं घडिल्ल्याचो पुलिसांक दुबाव आसा. हे विशीं बंगल्याचे धनी सार्थक राजेशकुमार गुप्तान पुलिशेंत कागाळ केल्ली. चोरयेच्या वेळार कागाळदाराचे आवय- बापूय न्हिदिल्ले. ह्या चोरये विशीं तांका कांयच कळ्ळे ना. सकाळीं उठल्या उपरांत तांका घरांत चोरी जाल्या हें कळ्ळें.
व्हिलाच्या पयल्या माळ्यार चडून बेडरूमच्या जनेलाची जाळी कापून चोर भितर सरले. आलमारींतल्यो 14 लाख 70 हजार रुपयांच्यो भांगराच्यो वस्ती आनी ३ लाख १५ हजार रोख रक्कम फारायली.
ह्या चोरी प्रकरणांत हणजुणा पुलिसांनी गुन्यांव नोंद केला. फुडली चवकशी पुलीस उपनिरिक्षक संकेत पोखरे करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
