भांगरभूंय | प्रतिनिधी
खेळां आनी युवा वेव्हार संचालनालयान आयोजीत केल्ले 17 वर्सां पिराये सकयले हॅण्डबॉल सर्तींत शिवोलीच्या सेंट फ्रान्सीस झेवियर हायस्कुलाच्या पंगडान आनी चिंचोणेंच्या सेंट मॅरी ऑफ धी अॅंजेल्स कॉन्व्हेंट हायस्कुलाच्या पंगडान वळेरेन चल्यांच्या आनी चलयांच्या गटांत वस्तादपण जोडलें.
सर्तीचें आयोजन फातोड्डेंच्या पंडीत जवाहरलाल नेहरू ओपन हॅण्डबॉल कोर्टाचेर केल्लें. चल्यांच्या गटांतले फायनलींत सेंट फ्रान्सीस झेवियर्स हायस्कुलान नावेलीच्या रोझरी हायस्कुलाक 02 गोलांनी (16-14) फरकांनी हारयलो.
तिसरे सुवाते खातीर जाल्ले मॅचींत फातोड्डेंच्या लेडी ऑफ रोझरी हायस्कुलान कुमारजुवेंच्या श्री शारदा विद्यालय सरकारी हायस्कुलाक 04 गोल फरकांनी (12-08) हारयलो.
सेंट फ्रान्सीस झेवियर हायस्कुलाच्या जैतिवंत पंगडांत प्रेस्टन डायस, दीप गोवेंकार, असाफ निकोलस, जोलन फर्नांडीस, मयुरेश चोडणकार, लक्ष्यराज रेवडकार, विदीश अगरवाडेकार, निशम मोरजे, अमीन चोपडेंकार, दीपक मांजी, आशिर्वाद शिरोडकार, अश्वेक पाळणी, कृश साळगांवकार, गणेश गुरीकार, रघुवीर शिरोडकार आनी साईराज उगवेंकार हांचो आस्पाव आशिल्लो.
मजगतीं, चलयांच्या गटांत चिंचोणेंच्या सेंट मेरी ऑफ धी अॅंजेल्स कॉन्व्हेंट हायस्कुलान पर्वरीच्या चब्बी चिक्स स्प्रिंग वॅली हायस्कुलाक 03 गोलांनी (04-01) फरकान हारयलो. तिसरे सुवाते खातीर जाल्ले मॅचींत कुळेंच्या अवर लेडी ऑफ पिटी हायस्कुलान पेडणें, कोरगांव देवसूच्या प्रज्ञा हायस्कुलाक 01 गोलान (07-06) फरकान हारयलें.
सेट मेरी हायस्कुलाच्या पंगडांत नायरा लैतांव, लिसा फर्नांडीस, क्लेरिया फर्नांडीस, वेनेसा रिबेलो, इल्यास अफोन्सो, एसेबिह लैतांव, मेझेल त्राव्हासो, वालेंकीया रॉड्रिगीश, अॅंजेल रॉड्रिगीश, किम मास्कारेन्हस आनी एव्हेरिल आफोन्सो हांचो आस्पाव आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
