भांगरभूंय | प्रतिनिधी
मडगांव : मडगाव पुलिसांनी शिर्लीच्या ‘हिट अँड रन’ प्रकरणांत पुणेच्या स्वराज जगताप ह्या ’रेंट-अ-कार’ चालकाक अटक केली. हे घडणुकेची खराय पळोवन पुलिसांनी दुबाविताचेर खुनाचो यत्न केल्ल्याचो गुन्यांव नोंद केला.
राष्ट्रीय महामार्गाचेर शिर्ली वाठारांत मंगळारा ‘रेंट अ कार’न दुचाकी चालक बायलेक धपको दिन पळ काडिल्लो. एके गाडयेच्या कॅमेर्यांतले फुटेजींतल्यान ही घडणूक मुखार आयली. थार ‘रेंट अ’ गाडयेन वेगान येवन चुकीचे वटेन ओव्हरटेक करतना दुचाकी चालक बालकेक धपको दिलो. अपघात जाले उपरांतूय चालकान गाडी थारयनासतना गाडी वेगान व्हेली आनी थंयच्यान पळ काडली.
हे घडणुकेची म्हायती मडगांव पुलिसांक मेळटांच ते गाडयेचो सोद घेवपाक सुरवात केली. मंडगांव पुलिसांनी वेर्णा, कुंकळळी, मायणा कुडतरी, फातोड्ड्यां सयत कळंगुटे वाठारांतल्या पुलिसांकूय हे घडणुकेची म्हायती दिली. पुलिसांनी सीसीटीव्ही फुटेजीवेल्यान गाडयेची वळख पटोवन ही गाडी चलोवपी पुणेच्या चालकाक कळंगुटेच्यान ताब्यांत घेतलो.
मजगतीं, जखमी दुचाकी चालक बायलेचेर गोमेकॉंत उपचार सुरू आसा. तिका शरिराच्या विंगड विंगड भागाचेर फ्रॅक्चर आसात. सध्या तिचेर सर्जरी चालू आशिल्ल्याची म्हायती तिच्या सोयर्यांनी दिल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
