भांगरभूंय | प्रतिनिधी
फोंडें: सक्रें शिरोड्यां फेरस रापोझ हांच्या घराचेर मंगळारा सकाळीं आंब्याचें झाड पडलें. झाड पडिल्ल्यान लाखांनी रुपयांचें लुकसाण जालां. फोंडें उजो पालोवपी दळाचे कर्मचारी सांजवेळा उसरां मेरेन झाड कुशीक काडपाच्या वावराक लागिल्ले.
मंगळारा सकाळीं 10.55 वरांच्या सुमाराक रोपोझ हांच्या घरा फाटल्यान आशिल्लें आंब्याचें झाड पडलें. हातूंत घराचें पाखें पुरायपणान मातयेभरवण जालें. तशेंच घरांतलें मोलादीक साहित्याचेंय लुकसाण जालें.
फोंडें उजो पालोवपी दळाक हाची खबर दिले उपरांत अधिकारी सुशील मोरजकार हांणी हेर कर्मचाऱ्यां सयत घडणुकेच्या थळार धांव घेतली. घराचेर पडिल्लें झाड सांजवेळ मेरेन कुशीक काडपाचें काम झुजा पांवड्यार सुरू आशिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
