भांगरभूंय | प्रतिनिधी
दिवचल, प्रतिनिधी ः शिरगांवांतल्या श्री लयराई देवीचे जात्रेंत गोबी मंच्युरीयन स्टॉलांचेर पुरायपणान बंदी घाल्ली. तरी लेगीत दोन सुवातींनी गुप्तपणान चलपी गोबी मंच्युरियन स्टॉल देवस्थान समितीचे अध्यक्ष गणेश गांवकार आनी ताच्या वांगड्यांनी बंद करुन कारवाय केली.
फाटल्या तीन वर्सां सावन जात्रे वेळार ह्या स्टॉलाचेर बंदी घाल्ल्या आनी ताका पाळो दिवचो म्हूण देवस्थान समिती हाचे कडेन खासा लक्ष दिता. अशें आसून लेगीत स्वीट कॉर्न डिश विकपाच्या नांवान जात्रेच्या दुसऱ्या दिसा दोन दुकानदारांनी गुप्तपणान गोबी मंचूरियन तयार करुन विकपाक सुरवात केली.
हे विशीं गणेश गांवकार हांचे कडेन कागाळ आयले उपरांत ते स्वता गिरायक जावन सरळ दुकानांत वचून गोबीची ऑर्डर दिली. जशी गोबीची ऑर्डर आयली तेन्ना गांवकार हांणी दुकानदाराक जाब विचारुन स्टॉल बेगोबेग बंद करपाचो आदेश दिलो. तशेंच दुकानूय काडून उडोवपाक लायले. ह्या वेळार समितीचे हेर पदाधिकारीय हाजीर आशिल्ले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
