भांगरभूंय | प्रतिनिधी
ल्हान भुरगीं निश्पाप आसतात. ताका लागून तांचे व्हिडियो पळोवप सगल्यांक आवडटा. असोच एक व्हिडियो सध्या सोशल मिडियाचेर व्हायरल जाला. भुरग्यांनी सद्दां शाळेंत वचपाक जाय. सुटी आसली तरी अभ्यास करूंक जाय. खेळपाक जाय. वाचन करपाक जाय. शाळा आसता तेन्ना पालक भुरग्यांक वेळार शाळेंत धाडपाचे कश्ट घेतात. ताका सकाळीं उठयतात. स्वता ताका शाळेंत पावयतात.
ह्या व्हिडियोंतलो भुरगो आपूण शाळेंत उसरां कित्याक आयलो, ताचें कारण शिक्षिकेक सांगता. आपणाक उशीर जाता कारण.. आवय उठय ना, अशें तो निरागसपणान सांगतां. मम्मी स्वता बेगीन उठ्ठा, पूण म्हाका उठयना, अशें तो म्हणटा. शाळा सुरु जाता साडेसातांक आनी तूं सद्दां साडेआठांक येता, अशें शिक्षिका विचारता तेन्ना तो रडपाक पावता.
@bachho_ki_badi_mam न तो सोशल मिडियाचेर घाला. ताका लाखांनी व्ह्यूज मेळ्ळ्यात.
सकयल दिल्लें लिंक करात आनी पळयात तो व्हिडियो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
