भांगरभूंय | प्रतिनिधी
९ जाणांनी परत मतदान केल्ल्याची कागाळ
पणजी : मतदान केल्या उपरांत बोटाक लायिल्ली शाय हात धुल्या उपरांत गेली, असो आरोप पणजेची मतदार पेट्राशिया पिंटो हांणी मंगळारा केलो. हे विशीं आपूण वेंचणूक अधिकार्यांक जाप विचारतलीं. तशेंच सुकूर- पर्वरे अशे तरेच्यो कागाळी आयल्या अशें कळ्ळां अशें तिणें पत्रकारां कडेन उलयतना सांगलें.
पणजेचें आदलें वाचनालय मतदार केंद्रात आपणें मंगळारा मतदान केलें. उपरांत घरा गेली आनी च्या घेतली. च्या घेवन जाले उपरांत हात धुले. हात धुले उपरांत आपल्या बोटाक लायिल्ली मतदानाची शाय गेली. ही घडणूक सामकी अजाप करपा सारकी. अशे प्रकार सुकूर भागांतूय घडिल्ल्याची कागाळ मेळ्ळ्या, अशें पिंटो हांणी म्हणलें. हे विशीं आपूण वेंचणूक अधिकार्यांक जाप विचारतलीं अशेंय तिणें स्पश्ट केलें.
सालय, साल्वादोर-द-मुंद हांगा ९ जाणांनी परत मतदान केल्ल्याची कागाळ
मजगती, पर्वरीच्या साल्वादोर-द-मुंद (सालय) मतदान केंद्राचेरूय मतदान केल्ल्याची खूण म्हणून लायिल्ली शाय रोखडीच पुशिल्ल्याची लेखी कागाळ दिल्या. तशेंच एकदां मतदान करून भायर आयले उपरांत ९ दुबावितांनी परत मतदान केल्ल्याचें कागाळेंत नमूद केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
