भांगरभूंय | प्रतिनिधी
कराकस: व्हेनेझुएलांत जाल्ल्या दोन व्हडल्या भुंयकांपां उपरांत एका 43 वर्सांच्या सुरक्षा रक्षकान मरणाक फटयलें. सुमार 140 टन फातर, मातयेचे राशी खाला आठ दीस पुरून उरिल्ल्या हर्नन आल्बेर्तो गिल फ्लोरेस हाची 100 वरांच्या आक्रमक बचाव कार्या उपरांत जिवी सुटका जाली.
काल बचाव पंगडान ताका एका कोसळिल्ल्या शॉपिंग सेंटराच्या तळघरांतल्यान भायर काडलो. हो प्रसंग सध्या संवसारभर चर्चेचो विशय थारला. एसोसिएटेड प्रेसान दिल्ले माहिती प्रमाण, हें सेंटर पूर्णपणान उध्वस्त जाल्लें.
गिल फ्लोरेस हाका भायर काडप बचाव पंगडां खातीर खूब कठीण थारलें. अस्थिर वास्तू, पावस आनी सतत जाणवपी धक्के हांचे मदीं तांकां 100 वरां परस चड वेळ लागलो. ऑक्सिजन मास्क लावन, नारंगी कपड्यांत गुठलावन स्ट्रेचराचेर भायर काडलो आनी ताची प्रकृती तपासपा खातीर अॅम्ब्युलन्सींत व्हेलो.
ह्या भुंयकांपांत मरप्यांचो आकडो 2595 चेर पावला, जाल्यार हजारांनी लोक अजून लेगीत बेपत्ता आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
