भांगरभूंय | प्रतिनिधी
बद्रीनाथ, खबरां संस्था: वैदीक मंत्रांचो जप आनी श्री बद्रीविशाल लाल की जय अश्यो घोशणां दिवन बद्रीनाथ धामाचीं दारां उक्तीं जालीं. ह्या वेळार २० हजारां परस चड भक्त हाजीर आशिल्ले. ताचे पयलीं ब्रह्ममुहूर्ताक देवळा भायर गणेश पुजा केली. उपरांत पुजार्यांनी दाराची पुजा केली. तीन चावयांनी देवळाचें दार उगडलें.
दारां उगडटनाच पयलें दर्शन एक अखंड ज्योतीचें जालें. ६ म्हयन्यां सावन ती जळत आसा. हाचे उपरांत बद्रीनाथाचेर दवरिल्ली तुपाची चादर काडून उडयली. जी दार बंद करचे पयलीं ६ म्हयने देवाक अर्पण करतात. ही चादर प्रसाद म्हूण वांट्टले. फाटल्या वर्सा १४ नोव्हेंबराक देवळाचीं दारां बंद केल्लीं.
सांजेवेळार ६ ते ८ मेरेन दर्शन
चारधाम तिर्थ पुरयत पंचायतीचे सरचिटणीस डॉ. ब्रजेश सती हांणी, सकाळीं ६ ते ८ ह्या वेळार परमेश्वराचें विना शोभा दर्शन जातलें. जाका निर्वाण दर्शन म्हणटात. उपरांत सकाळच्या ८ वरांचेर पयलो जलाभिशेक जातलो आनी पयली पुजा प्रधानमंत्र्यांच्या नांवान करतले. उपरांत ९ वरांचेर बालभोग जातलो. दनपरां १२ वरांचेर जेवण दितले. होच नैवेद्य ब्रह्मकपाला धाडटले. भोग थंय पावले उपरांतूच पयलें पिंडदान जातलें.
पयल्या दिसा २० हजारां परस चड भावीक आयलेे. तशेंच ७ लाख लोकांनी नोंदणी केली. सुमार २० क्विंटल फुलांनी देवळाची सजावट केल्या. पयल्या दिसा २० हजारां परस चड लोक दर्शन घेवपाक पावले.
११ मेचे राती कडेन बारीक पावस शिरशिरलो. हाचे पयलीं हवामान खात्यान ११ ते १३ मे मजगतीं पावस आनी बर्फ पडपाची शक्यताय उक्तायल्ली. ९ मेक सांजेवेळार मेरेन बद्रीनाथ धाम दर्शना खातीर वट्ट ६ लाख ८३ हजार लोकांनी नोंदणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
