भांगरभूंय | प्रतिनिधी
चडशा लोकांक शिंयाचो हंगाम आवडटा. ह्या दिसांनी न्हिदप, जेवप, भोंवप ही वेगळीच मजा आसता. मात ह्या दिसांनी रोगप्रतिकार शक्त दुबळी जाता आनी हाका लागून जायत्या जाणांक थंडी, खोंकली, जोर, फ्लू आनी हेर वेगवेगळे संसर्ग जावपाची शक्यताय आसता. हो हंगाम खासा करून काळजाच्या दुयेंतींक त्रासाचो आसता.
शिंयाच्या दिसांनी तुमकां उब मेळचे खातीर पुराय कुडीक ऑक्सिजन पंप करपा खातीर काळजाक दुपेटीन मेहनत करची पडटा. तशेंच थंड तापमानाक लागून रक्ताच्यो शिरो आकुंचन जातात. जाका लागून रगताचो प्रवाह आडायता आनी काळजाच्या स्नायूंक ऑक्सिजनाची पुरवण उणी जाता. जाका लागून शिंयाच्या दिसांनी रगताचे गुळे आनी पक्षाघात वा काळजाचो झटको येवपाची शक्यताय चड आसता. अमेरिकन हार्ट सोसायटी (रेफ) च्या मतान, जशें तापमान उणें जाता तशें तुमचो रक्तदाब आनी कोलेस्टेरॉलाची पातळी वाडपाक लागता. जाका लागून तुमचो काळजाच्या दुयेंसांचो धोक वाडटा. थंडेच्या दिसांनी काळजाच्या आताका पसून वाचपाचे कांय उपाय आयज आमी तुमकां सांगतलीं.
थंड हवामानांत वेगान धांवल्यार वा चलल्यार कुडीची मेहनत वाडटा, जाका लागून काळजाची ऑक्सिजनाची मागणी वाडटा. अचकीत थंडसाणीक लागून रगतपेशी आकुंचन जावंक शकतात, रगत प्रवाहांत आडमेळीं येवंक शकतात आनी ऑक्सिजनाची पातळी उणी जावंक शकता.
शिंयाच्या दिसांनी चड उबदार कपडे घातल्यार ब्लड प्रेशर खूब देंवपाक शकता, जाका लागून काळजाचो आताक येवंक शकता. हंगामी फ्लूचो धोको आशिल्ल्या दुयेंतींक काळजाचो आताक येवंक शकता. फ्लूक लागून जोर आयल्यार काळजाची धडधड बेगीन जाता, जाका लागून ऑक्सिजनाची मागणी वाडटा.
छातयेच्या मदल्या भागांत वा उजवे वटेन दुखप वा अस्वस्थताय मिनटा परस चड काळ तिगता वा दख वचपून परत येता. कुडींत हेर कडेन दुखप वा अस्वस्थताय, मान, फाट, एक वा दोनूय हात वा खांदो, घुंवळ येवप वा दुबळेंपण, मळमळ वा उलटी जावप, तुमकां थंड घाम लेगीत येवंक शकता.
स्वास घेवपाक त्रास जावप, वांगडा छातयेंत अस्वस्थताय आसता, मात छातयेची अस्वस्थताय जावचे पयलींय आसूं येता. कारण नासतना थकप. शिंयाच्या दिसांनी घरांतूच रावात आनी घर उबदार दवरात.
चलपा खातीर घरा भायर सरतना स्वताक उबदार दवरपाक सूप वा मटनाचो रस्सा पियेवप गरजेचें. ग्रीन वेजीटेबल आनी हंगामी फळां, भिजत घाल्लीं कड्डणां, निरोगी चरबेचे जिन्नस खावचे. अल्कोहोल आनी कार्बोनेटेड पिवप कमी करात. सिगारेट ओडूं नाकात,अशे कांय उपाय आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
