भांगरभूंय | प्रतिनिधी
स्मार्ट फोना परस आतांचे भुरगे बरेच स्मार्ट जाल्यात अशें दिसता. शिकपांतूय आसात न्हय तुमी भुरग्यांनो स्मार्ट? काय फकत मोबायलांतल्यो गेमी खेळपांत…?
हें पळयात भुरग्यांनो, ह्या वयार तुमच्या हातांत मोबायल… ही गजाल आमचो देश कितल्या फुडें पावला हाची गवाय दिता… पूण मोबायलाचो वापर केन्ना, कसो आनी कितलो करप हें गिन्यान आसप गराजेचें आसा. तुमच्या हट्टाक लागून तुमच्या आवय बापायन तुमकां मोबायल दिलो जायत, पूण तुमचो हो हट्ट तुमचो दुस्मान जावंक दिवनाका!
वेळ पासार करूंक थोडो वेळ मोबायलार खेळ्ळे म्हणून कांय ना! पूण एक लक्षांत दवरात, मोबायलांतले खेळ खेळून एक व्हड खेळगडो जायना !! म्हणून म्हणटा मोबायलाचो वापर गरजे पुरतोच जावंदी आनी तोवूय बी तुमच्या फायद्याचोच जावंदी. आतां मोबायलांत जावं लॅपटोपांत गूगल नांवाचो एक गुरुजी आसता. तो गुरुजी पुराय देशांतलें गिन्यान आमकां नॅटा वरवी दाखयता वा शिकयता.
हें नॅट म्हणल्यार इन्टरनॅट. हाचेर आमी जायते कितें शिकूक शकता.पूण इन्टरनॅटार जे येता ते सगलेंच सारखे आसतलेच अशें ना हां, दोळे धांपून विस्वास करपा सारकें ना ते इन्टरनॅट. आमी समजूतायेन ताचो वापर करूंक जाय. खरे कितें, खोटे कितें हें पयली आमी समजूंक जाय. मनीस कितलोय हुशार असलो तरी तो चुकूंक शकता हें तुमकां मान्य आसा की ना…? आसात न्हय जाल्यार हें इन्टरनॅट मनशानीच केलां हें विसरूंक फावो ना.
मोबायल, लॅपटॅाप, कंम्पूटर ह्या सारख्या साधनाचो गरजे पुरतच वापर करपाचो, ह्या साधनाचो उपयोग ही अयच्या काळाची गरज जावन पडल्या. आमच्या वेळार आमी बोटां मेजून गणितां करतालीं. तो कॅलकुलेटर म्हणटा तो निशिल्लो,
सुर्याची ताप पळोवन वेळाचो बरोबर अदमास लायतालो. आमच्या मनगटार घडयाळ नाशिल्ली. आतां मोबायलांत, वण्टीचेर, पॅनांत खंय खंय म्हणून सांगूंक नाका…! वचत थंय घडयाळी… तरीय वेळाची म्हणून कोण किंमतूच करिना. मनशान वेळाचें म्हत्व समजूंक जाय ताची किंमत करूंक जाय…! “चीत मनशा वेळ आसतनाच, चितूंक कोणाक कायदो ना! वेळाचें महत्व वेळार समजून घेवया, उपरांत चितून फायदो ना.
अविनाश कुंकळकार
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
