भांगरभूंय | प्रतिनिधी
भांगरभूंय । खबरां मेज
पणजीः वेदांता सेझा गोवा वतीन आर्यन लेडी मोहिमेचो एक वांटो म्हणू दिवचल आनी सरभोंवतणच्या गांवांतल्या येसस्वी बायलांचो दिवचले अवर लेडी ऑफ ग्रेस हायस्कूल सभाघरांत आयोजीत केल्ले एके कार्यावळींत भोवमान केलो. ह्या वेळार मुखेल सोयरे म्हणून दिवचलचो नगराध्यक्ष कुंदन फळारी हाजीर आशिल्लो. वेदांता सेझा गोवाचो वरिश्ठ उपमुख्य कार्यकारी अधिकारी धीरजकुमार जगदीश, संपर्काधिकारी संध्या मलीक, संतोष मांद्रेकार, अवल लेडी ऑफ ग्रेसाची मुख्याध्यापिका अरिफा मस्कारेन्हास परेरा कार्यावळीक हाजीर आशिल्ली.
भलायकी सेवा, शिक्षण, समाजसेवा, उद्देजकता आनी सामाजीक प्रगती ह्या मळाव वावुरपी बायलांची बांदिलकी आनी परिवर्तनीय बदल घडोवन हाडपा खातीर तांणी केल्ल्या कामाचो भोवमान करपा खातीर ही कार्यावळ घडोवन हाडिल्ली. बायलांनी आपापल्या मळार सामाजीक बदल आनी प्रगती घडोवन हाडपा खातीर केल्ल्या यत्नाची कुंदन फळारीन तोखणाय केली. वेदानांत सेझा गोवान तांच्या वावराची पावती दिवपाचें एक बरें काम केलां. खण वेवसाय बंद आसतनाय कंपनीन सगल्या कर्मचाऱ्यांक पगदा दिवंन ताची जतनाय घेतलीं हें लक्षांत घेवपा सारकें आसा, अशें ताणे सांगलें.
ज्यो बायलो बरे काम करतात तांच्या वावराचो आमी भोवमान करतात. आमचो जिविका व्हो प्रकल्प आपसेवी संस्था आनी अर्थीक स्वावलंबनाक चालना दिता. आयटीआय आनी कम्प्युटर अभ्यासक्रम तंत्रीक कुशळताय वाडोवपाचें काम करता. वेदांता बायल फुटबॉल लीग आनी सेझा फुटबॉल अकादमी वरवीं खेळगड्यांत प्रशिक्षण दितात अशें वेदांतोच सीईओ नवीन जाजून सांगलें. सेझा गोवा बायलाचीं सपनां आनी तांची तांक साकार करपा खातीर तेंको दिता. अशें धीरजकुमार जगदीशान सांगलें. बायलांक तांच्या मळाचे तेंगशेर वचपा खातीर आमी फावो ती प्रेरणा आनी बळगें दितात अशें संध्या मलिकान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
