भांगरभूंय | प्रतिनिधी
भांगरभूंय । खबरां मेज
पणजीः वेगवेगळ्या मळार उल्लेखनीय काम करपी धा बायलांक पीसफूल सोसायटीच्या सहयोगान उजवाड हे आपसेवी संस्थेन सुटके झुजारी बार्ता मिनेझीस ब्रागांझा यादस्तीक पुरस्कार 2024 भेटोवन भोवमाान केलो. संवसारीक बायलां दिसा निमतान लिंगीक समानताय आनी बायल सक्षमीकरणाचो संदेश दिवपा खातीर हे कार्यावळीचें आयोजन केल्लें.
म्हादय बचाव अभियानाची संजोजिका आनी आदली वीज मंत्री निर्मला सावंत हिचे हस्तुकीं पुरस्कार भेटयले. सामाजीक मळांतल्या योगदाना खातीर रशिदा मुझावर, पर्यावरण मळार काम करपी तलुलाह डिसिल्वा, सांस्कृतीक दायजाच्या संवर्धना खातीर दिल्ल्या योगदाना खातीर अजूं साखरदाडें, सामाजीक वावरा खातीर झरिना डिकुन्ना, राजकी मळाव वावुरपी आदली मंत्री एलिना साल्ढाना, वैजकी सेवे खातीर डॉ पूर्णिमा उसगांवकार, अनिता परेरा, ऍग्नेस डायस, प्रा सुशिला मेंडीस, अॅना ग्राशियस हांका पुरस्कार भेटयले.
कार्यावळींत ‘ब्रेकिंग बॅरियर्स विथ इन्क्ल्युजन: एम्पॉवरिंग वुमन इन लीडरशिप’ ह्या विशया वयले चर्चेत पुरस्कार फावो जाल्ल्या बायलांनी वांटो घेतलो. बायलांक सत्तेच्या पदांचेर आसपावन घेवपाचें म्हत्व आनी राष्ट्र उबारणेंत तांचे भूमिके विशीं तांणी आपले मनोगत उक्तायलें. निर्मला सावंत, उजवाड संस्थेची अध्यक्ष सेंड्रा परेरा आनी भारती बांदोडकार हांणी आपलीं मतां मांडलीं. अमरीन शेख, वेदा देसाय, जीवन नायक, आकाश नायक साळगांवकार, उजवाड परिवार हांणी कार्यावळ येसस्वी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
