भांगरभूंय | प्रतिनिधी
वेंगुर्ला, खबरांसंस्था: महाराष्ट्रांत फाटल्या तीन दिसांनी दोन घडणुकांनी उदकांत बुडून १८ जाणांक मरण आयिल्ल्याच्यो घडणुको घडल्या थंयच आसा. आयज आनीक एक बोट दर्यांत उमथल्ल्याची घडणूक मुखार आयल्या. सिंधुदुर्गच्या वेंगुर्ला बंदराचेर वचपी एक बोट काल रातीं उमथली. हातूंत चवग जाण बुडल्यात. बुडिल्ल्यां मदलो एकलो महादेव शंकर आंबेकार (६६) हाची कूड सांपडली. जाल्यार हेर तीग जाणांचो सोद घेवप चालू आसा.
आतां मेरेन मुखार आयिल्ले म्हायती प्रमाण, वेंगुर्ले बंदरांत नुस्तेमारी खातीर लागपी बर्फ घेवन वचपी ही बोट उमथली. हे बोटींत वट्ट सात खलाशी आशिल्ले. तीग जाण पेंवत दर्यादेगेर आयले. जाल्यार तीग जाण आतां मेरेन बेपत्ता आसात आनी एकल्याची कूड सांपडल्या.
काल रातीं गडगड, वादळी वारें अशी परिस्थिती आशिल्ल्यान ही बोट भरकटली आनी ही घडणूक घडल्या आसतली असो अदमास आसा. बेपत्ता आशिल्ल्या खलाशां मदलो एक खलाशी रत्नागिरीचो जाल्यार तीग जाण मध्यप्रदेशांतले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
