भांगरभूंय | प्रतिनिधी
मडगांव, प्रतिनिधी : वीज भानगड प्रकरणांत समन्स धाडिल्ल्या आठ साक्षीदारां मदल्या एकट्यान समन्स घेवपाक न्हयकार दिलो. ताका जामीनपात्र वॉरंट जारी केलो. तशेंच दोगां दुबावितांक अजामीनपात्र वॉरंट जारी केला. ३ साक्षीदारांक मरण आयिल्ल्याचें सांगलें. तशेंच सात साक्षीदारांक नवे समन्स धाडल्यात.
वीज घोटाळो प्रकरणांत दक्षीण गोंय जिल्हो विशेश न्यायालयांत शुक्ररा सुनावणी जाली. ह्या प्रकरणांतल्यान मंत्री मावीन गुदिन्हो हांकां कायमचे हाजीर न रावपाची सूट मेळ्ळ्या. ताका लागून शुक्रारा जाल्ले सुनावणेक ते हाजीर नाशिल्ले. आदीं आठ साक्षीदारांक साक्षीदारांनी सरकारी क्वार्टर्स सोडिल्ल्यान तांचे नामे बदयिलल्ल्यान समन्स फाटीं घेतलो. वीज खात्या कडेन आनी वित्त विभागा कडेन नाम्यांची मागणी करून परत समन्स दिल्ले. हांतल्या एका साक्षीदारान समन्स घेवपाक न्हयकार दिलो, ताका जामीनपात्र वॉरंट धाडलो. तीन साक्षीदारांक मरण आयलें. जाल्यार एका साक्षीदाराचें समन्स फाटीं घेतिल्ल्याची म्हायती न्यायालयांत दिली. सात साक्षीदारांक नवे समन्स जारी करपाक न्यायालयान सांगलें. दुबावीत राधाकृष्णा सयत आनीक एका सुबाविताक अजामीनपात्र वॉरंट जारी केला. हे विशींची फुडली सुनावणी १ मार्चाक सकाळीं धा वरांचेर जातली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
