भांगरभूंय | प्रतिनिधी
प्रधानमंत्री नरेंद्र मोदी हस्तुकीं पीएम विश्वकर्मा येवजण सुरू
नवी दिल्ली, खबरां संस्था : प्रधानमंत्री नरेंद्र मोदी हांणी’पीएम विश्वकर्मा’ येवजणेचो शुभारंभ केलो. दिल्लीच्या द्वारका वाठारांत ’इंडिया इंटरनॅशनल कन्व्हेन्शन अँड एक्स्पो सेंटर’ (IICC) हांगा आयोजीत कार्यावळींत हो सुवाळो जालो. ही येवजण आशेचें नवें किरण आशिल्ल्याचें तांणी ह्या वेळार सांगलें. मोदी हांणी ह्या वेळार विवीध कलाकार आनी कारागिरांक पीएम विश्वकर्मा प्रमाणपत्रांय भेटयलीं.
मोदी हांणी सांगलें, आयज भगवान विश्वकर्मा हांचो जल्मदीस. हो दीस आमच्या परंपरीक कारागिरांक आनी शिल्पकारांक समर्पित आसा. सगळ्या देशवासींक विश्वकर्मा जयंतीचीं परबीं. भगवान विश्वकर्माच्या आशीर्वादान आयच्यान प्रधानमंत्री विश्वकर्मा येवजण सुरू जाल्या अशें तांणी सांगलें. लाखांनी कुटुंबां खातीर प्रधानमंत्री विश्वकर्मा येवजण एक नवी आशेचें किरण म्हणून येता, अशें तांणी म्हणलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
