भांगरभूंय | प्रतिनिधी
कल्पेश गांवस: वाळपय हनुमान विद्यालयांत युवा दीस मनयलो
वाळपय: विवेकानंदाचे विचार आयच्या तरणाट्यां खातीर प्रेरणा दिवपी थारल्या. तांचे विचार आमी आपणायल्यार आमकां अपेस येवचें ना. विवेकानंदाच्या विचारांनी आमी फुडें वचपाक जाय. दुख्ख आयल्यार भियेवचें न्हय. ताका तोंड दिवचें, अशें पत्रकार कल्पेश गांवस हांणी सांगलें.
राष्ट्रीय युवा दिसा निमतान श्री हनुमान विद्यालयांत आयोजीत युवक दिसा निमतान ते उलयताले. ह्या वेळार माचयेर विद्यालयाचे ज्येश्ठ शिक्षक विश्वास कंवळेंकार, गायत्री गांवस, सोनाली गोवेकार आनी हेर हाजीर आशिल्ले.
शिक्षक विश्वास कंवळेंकार हांणी ह्या वेळार आपले विचार मांडले. ह्या वेळार आयोजीत बूकमार्क हे सर्तीचीं इनामां मुखेल सोयरे कल्पेश गांवस हस्तुकीं भेटयलीं.
कार्यावळीक येवकार आनी प्रास्तावीक गायत्री गांवस हांणी केलें. ह्या वेळार विद्यार्थ्यांनी विवेकानंदाचे जिणेचेर काणयो सांगल्यो. सुत्रसंचालन योगेश कुलकर्णी हांणी केलें. उपकार राज गांवकार हांणी मानले.
ही कार्यावळ विवेकानंदाचे जिणेचेर आदारिल्ल्या येवकार गीतान सुरू जाली. ताचें संयोजन कला शिक्षक सुनील म्हाऊस्कार, उदय माजीक आनी रवी गांवस हांणी केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
