भांगरभूंय | प्रतिनिधी
विरोध करपी आमदारांक काडले भायर
पणजी, प्रतिनिधी : प्रादेशीक आराखडो आनी ओडीपीतले वाठार (झोन) बदलपाची तजवीज आशिल्ल्या कलम ३९ ए चो आसपाव करपा सयत कलम १६ बी रद्द करपी नगर नियोजन दुरुस्ती विधेयक सभाघरात आवाजी मतदानान संमत जालें. सभाघरांत बरोच वेळ चर्चा जाले उपरांत विधेयकाचेर मतदान घेवपाची मागणी विरोधी पक्ष फुडारी युरी आलेमाव हांणी केली.
आवाजी मतदानान विधेयक संमत जाल्ल्यान कॉंग्रेस, आप आनी आरजी आमदार विरेश बोरकार हांणी सभापती मुखार वचून निदर्शनां केलीं. आमदार विजय सरदेसाय मात बसून रावले.
कलम ३९ ए खाला आयिल्ल्या अर्जांचेर निर्णय घेवपा खातीर तज्ञ समिती स्थापन जातली, अशें शार उदरगत खात्याचे मंत्री विश्वजीत राणे हांणी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
