भांगरभूंय | प्रतिनिधी
मुख्यमंत्रीः शिरोडें मतदारसंघांत पल्लवी धेंपे हांचो प्रचार
भांगरभूंय । प्रतिनिधी
फोंडें: भाजपा सरकारान सगळ्याच मळाचेर फाटल्या 10 वर्सांत उत्कृश्ट कामगिरी केल्या. नरेंद्र मोदी हांकां परतून प्रधानमंत्री जावचे खातीर गोंयांतले दोनूय भाजप उमेदवार जिखपाची गरज आसा. ते खातीर कार्यकर्त्यांनी तशेंच लोकांनी विरोधकांच्या प्रचाराचे भकीक पडचे न्हय, अशें मुख्यमंत्री डॉ. प्रमोद सावंत हांणी शिरोडें मतदारसंघांतल्या प्रचारा वेळार सांगलें. बिरेस्तारा ते पंचवाडी वाठारांत आयोजीत केल्ले कार्यावळींत उलयताले.
ह्या वेळार उमेदवार पल्लवी धेंपे, उदकास्रोत मंत्री सुभाष शिरोडकार, दक्षीण गोंय जिल्हो पंचायत अध्यक्ष सुवर्णा तेंडुलकार, आदले खासदार नरेंद्र सावयकार, शिरोडें भाजप मंडळाचे अध्यक्ष सुरज नायक, जिल्हो पंचायत वांगडी नारायण कामत, दीपक बोरकार, पंचवाडीची सरपंच लीना डिकोस्टा, शिरोड्याची सरपंच पल्लवी शिरोडकार आनी हेर मानेस्त हाजीर आशिल्ले. पल्लवी धेंपे हांणी शिरोडें, पंचवाडी, बोरी आनी बेतोडें पंचायत वाठारांतल्या विवीध देवळांनी वचून दर्शन घेतलें. मंत्री शिरोडकार हांणी सांगलें, लोकसभा वेंचणुकेंत भाजप उमेदवार पल्लवी धेंपे हांकां शिरोडें मतदारसंघांतल्यान 5 ते 10 हजारांची आघाडी मेळोवन दिवचे खातीर कार्यकर्ते वावराक लागल्यात. गोंयांतल्या दोनूय सुवातांचेर भाजप उमेदवाराचें जैत निश्चीत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
