भांगरभूंय | प्रतिनिधी
रॉयल चॅलेंजर्स बंगळुरूचो बॅट्समन विराट कोहलीक ताचे मॅच फीचो 50 टक्के दंड दिला. आयतारा कोलकाता नायट रायडर्स आनी बंगळुरू हांचे मदीं जाल्ले मॅची वेळार कोहलीन मैदाना वयल्या अंपायरा कडेन वाद घाल्लो.
आयपीएलाचे आचारसंहितेचे उल्लंघन केल्ले खातीर कोहलीक दंड दिलो. ताणें आयपीएल आचारसंहितेच्या कलम 2.8 अंतर्गत लेव्हल 1चो गुन्यांव केलो. कोहलीन गुन्यांव मान्य केला.
कोलकाताचो बॉलर हर्षित राणान डावातले तिसरे ओव्हरीचो पयलो बॉल फुलटॉस घातिल्लो. कोहलीन तो खेळपाचो यत्न केलो आनी तो कॅच बाद जालो.
मैदानी अंपायरान बाद दिल्या उपरांत कोहलीन नो बॉल रिव्ह्यू मागलो. पूण, तिसऱ्या अंपायरान मैदानी अंपायराचो निर्णय बदलूंक ना आनी कोहलीक बाद दिलो. बॉलाची उंचाय चड आसा अशें कोहलीचें म्हणणें आशिल्लें. म्हणून बेजारिल्ल्या कोहलीन मैदाना वयल्या अंपायरा कडेन वाद घालो.
भारतीय क्रिकेट नियामक मंडळान (बीसीसीआय) आयपीएल सुरू जावचे पयलींच सगल्या खेळगड्यांचें भेंड जमनी पसून कितले वयर आसा हें मेजलां. हातूंत कोहलीच्या भेंडाचीं उंची 1.04 मिटर इतकी आसा. नवीन हॉक-आय बॉल ट्रॅकिंग तंत्रा प्रमाण, जर कोहली खेळपट्टीचेर सरळ बॅटिंगचे स्थितींत आशिल्लो तर बॉलान ताका जमनी पसून 0.92 मिटर उंची वयल्यान वतलो आशिल्लो. म्हणल्यार बॉल ताचे भेंडाच्या सकयल्यान वतालो. म्हणून टीव्ही अंपायरान हो बॉल उंची प्रमाण कायदेशीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
