भांगरभूंय | प्रतिनिधी
भांगरभूंय । प्रतिनिधी
म्हापशेंः पुर्तुगेजांचे दमनशाये खाला गोंयचे लोक भरडून वताले. तांच्या मनांत राष्ट्र भक्तीची कीट पेटोवन क्रांतीची मशाल प्रज्वलीत करपी डॉ राम मनोहर लोहिया ही एक अलोकिक व्यक्की आशिल्ली अशें प्राचार्य उमेश नायक हांणी सांगलें. पीर्ण हांगच्या श्री शांतादुर्गा उच्च माध्यमीक विद्यालयांत गोंय क्रांती दीस कार्यावळींत ते उलयताले.
प्रा. दत्ता परब, रामचंद्र नायक देसाय माचयेर आशिल्ले. गोंयां सयत देशाक परकी राजवटींतल्यान मुक्त करपा खातीर आपली जीण समर्पीत करपी क्रांतिवीराचे जिणेचें अध्ययन करपाचें आवाहन प्रा. नायक हांणी ह्या वेळार विद्यार्थ्यांक केलें.
क्रांतिवीर भगत सिग हांच्या फोट्याक नायक हानी फुलां हार घातलो. नितीक हळर्णकार, कुसूम पिगं ह्या विद्यार्थ्यांनी गोंय क्रांती दिसा विशीं आपले विचार मांडले. कार्यावळीचें सूत्रसंचालन रामचंद्र नायक देसाय हांणी केलें आनी निमाणे उपकार मानले. विश्वास नायक आनी यशवंत साखळकारान कार्यावळ येसस्वी करपाचें काम केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
