भांगरभूंय | प्रतिनिधी
वास्को : वास्को शाराच्या इतिहासीक मध्यवर्ती भागाचे पुरायेन उदरगती खातीर प्रस्तावीत १४० कोटी रुपयांच्या म्हत्वाच्या उदरगतीच्या प्रकल्पाक गती दिल्या. हे फाटभूंयेर वास्कोचे आमदार कृष्ण साळकार हांणी जीसुडाचे अधिकारी आनी प्रकल्प सल्लागारां वांगडा शारांतल्या विवीध भागांची पळोवणी करून प्रस्तावीत कामांचो आढावो घेतलो.
ह्या प्रकल्पा खाला शारांतल्या मुळाव्या सुविधांचें आधुनिकीकरण, भौशीक सुवातांची उदरगत, रस्ते, फुटपाथ, सोबितीकरण तशेंच शारी वातावरण अदीक आकर्शक आनी नियोजन बद्ध करपाचेर भर दितले. हाचे वांगडाच वास्कोची इतिहासीक वळख जपत शाराची पुरायेन उदरगत करपाचें उद्धीश्ठ दवरलां.
ह्या वेळार आमदार कृष्ण साळकार हांणी, १४० कोटी रुपयांचो हो उदरगतीचो प्रकल्प वास्को शाराक नवें रूप दिवपी थारतलो. ह्या प्रकल्पाक लागून शार अदीक नितळ, सुबक, नियोजनबद्ध आनी थळावे, वेपारी तशेंच पर्यटकां खातीर आनीक आकर्शक जातलें. ह्या प्रकल्पाक लागून वास्कोचे शारी उदरगतीक नवी दिका मेळपाची अपेक्षा उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
