भांगरभूंय | प्रतिनिधी
भांगरभूंय । प्रतिनिधी
मुरगांवः वास्को शारांतल्या रस्त्यांची फोडाफोडी चलिल्ल्यान येरादारीक आनी लोकांक ताचो त्रास जावपाक लागला. एफएल गोम्स रस्त्यो उदकाची पायपलायन घालपा खातीर फोडून दवोरला. दुचाकी आनी हेर वाहनाचे येरादारीक ताका लागून आडमेळे येतात.
काय कडेन नेमाचें उल्लंघन करून रस्तो खणपाचें काम चल्लां. पोरूं स्वतंत्र पथ आनी एफएल गोम्स रस्त्यांचें हॉटमिक्स डांबरीकरण केल्लें. ह्या रस्त्यांक जोडपी दत्तात्रेय मार्ग, जोसेफ वाझ रस्त्याचें पंदरा वर्सां आदी डांबरीकरण केल्लें. फाटल्या कांय म्हयन्यां सावन बरे आशिल्ले रस्ते फोडपाचें काम चल्ला स्वातंत्र्य पथ रस्त्या पोंदच्यान वीज केबली घातल्यात. आतां डांबरीकरण केल्लो एफएल गोम्स रस्तो खणून उदकाची नवी पायपलायन घालपाचें काम सुरू केलां. मात कंत्राटदारात तें तशेंच दवोरलां. ताका लागून येरादारीक सामके आडमेळे येवपाक लागल्यात.
वाडें ते गोंय शिपयार्ड सामकारच्या रस्त्यार तीन म्हयन्यां आदीं बादकाम खात्याच्या उदका पुरवण विभागन रस्तो फोडून तसोच दवोरला. ताका लागून थंय अपघात जावपीच शक्यताय उप्रासल्या. शिपयार्डा सामकार रस्तो फोडून गॅस लायनलीचें काम अर्दवट करून सोडून दिलां. मुंडवेल तें गोंय शिपयार्ड मेरेन रस्तो खणून उदकाची पायपलायन घातल्या. मात फोडल्लो रस्तो अजून सारको केलो ना. सध्या स्मार्ट सिटी प्रकल्पाक लागून पणजे शाराची जाल्या तशी वास्कोची सध्या जाल्या. जाणी रस्ते फोडपाचें काम केलां तांचे कडल्यान तें सारके करपाचें काम करून घेवपाची आतां गरज आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
